खड़गपुर, 02 अप्रेल (हि.स.)। पश्चिम मेदिनीपुर जिल्लाको खड़गपुर शहरस्थित पुरिगेट क्षेत्रमा बिहीवार भारतीय जनता पार्टी (भाजपा) नेता दिलीप घोषलाई स्थानीय मानिसहरूको विरोधको सामना गर्नु पऱ्यो।
जानकारी अनुसार वार्ड संख्या 27 -को पुरिगेट क्षेत्रमा रेलवेद्वारा अवैध कब्जालाई हटाउने नोटिस जारी गरिएको कारणले यस क्षेत्रमा पहिलाबाटै तनाउ व्याप्त भएको छ। स्थानीय मानिसहरूको आरोप छ, नोटिस जारी भए पनि दिलीप घोष वा अन्य भाजपा नेताहरू प्रभावित परिवारहरूलाई सहयोग गर्नका लागि आएनन्।
बिहीवार बिहान स्थानीय आक्रोशित मानिसहरूले प्रचार कार्यक्रम लिएर क्षेत्रमा पुगेका दिलीप घोषको वाहनलाई घेरेर व्यापक विरोध प्रदर्शन गरे। प्रदर्शनकारीहरूले आरोप लगाए, जनप्रतिनिधि भएर पनि कठिन समयमा उनले मानिसहरूको समस्यामाथि ध्यान दिएनन्।
स्थानीयहरूले दिलीप घोषलाई मात्र नभएर उनीसित गएका भाजपा कार्यकर्ताहरूविरूद्ध पनि असन्तुष्टि व्यक्त गरे। ‘जय बंगला’ औ ‘जय श्रीराम’ -को नाराले माहोललाई अझ तनाउपूर्ण बनाइदियो। स्थानीयहरूको आरोप छ, रेलवेले नोटिस जारी गर्दा भाजपा नेताहरू उपस्थित थिएनन्, त्यसैले उनीहरूको अचानक उपस्थितिले मानिसहरूमा आक्रोश बढ़ेको हो।
घटनाको कारणले केही समयसम्म पुरिगेट क्षेत्रको सड़क अवरुद्ध हुनको साथै माहोल तनावपूर्ण भयो। स्थितिलाई साम्य बनाउनको लागि प्रशासनलाई धेरै मिहेनत गर्नु पऱ्यो। यस घटनापछि क्षेत्रमा राजनीतिक हावा अझ बाफिलो भएको छ भने स्थानीय मानिसहरूले आगामी चुनाउलाई लिएर असन्तुष्टि व्यक्त गरिरहेका छन्।
हिन्दुस्थान समाचार / उष्णता छेत्री शर्मा