कोलकाता, 21 अप्रेल (हि.स.)। 2026 को पश्चिम बंगाल विधानसभा चुनाउ अगाड़ी दिल्लीकी मुख्यमन्त्री रेखा गुप्ताले मंगलवार दाबी गरेकी छिन् कि राज्यका जनता कमल चिन्ह भएको सरकारलाई सत्तामा ल्याउन तयार छन्।

पत्रकारहरूसँग कुरा गर्दै उनले भनिन् कि मतदानको मिति नजिकिँदै जाँदा उनको पार्टीको आत्मविश्वास निरन्तर बढ्दै गइरहेको छ। उनले आरोप लगाइन् कि बंगालका जनताले विगत 15 वर्षदेखि डर र जबरजस्तीको राजनीति देखेका छन्, त्यसैले अब उनीहरू परिवर्तन चाहन्छन्।

रेखा गुप्ताले भनिन्, यस पाली बंगालमा कमल चिन्ह भएको सरकार बन्ने भएको छ। 04 मईमा नतिजा आउँदा, यो नयाँ बिहानी जस्तो महसुस हुनेछ, जहाँ सबैलाई सम्मान गरिनेछ।

वर्तमान राज्य सरकारलाई लक्षित गर्दै उनले भनिन्, पश्चिम बंगालले धेरै वर्षदेखि कठिन परिस्थितिहरूको सामना गरिरहेको छ। उनले महिलाहरूको सुरक्षाको बारेमा विशेष चिन्ता व्यक्त गरिन् र भनिन्, राज्यमा डरको वातावरण छ।

उनले भनिन्, महिला र छोरीहरू कसरी बाँचिरहेका छन् भन्ने कुरा एउटा ठूलो प्रश्न हो। ममता ब्यानर्जीको नेतृत्वमा रहेको तृणमूल कांग्रेसमाथि गुण्डागर्दीको आरोप लागेको छ। महिलाहरूले आफूलाई सुरक्षित महसुस गर्दैनन्। आरजी कर जस्ता घटनाहरूले महिला मुख्यमन्त्री भएपनि अवस्था सन्तोषजनक छैन भन्ने देखाउँछ।

दिल्लीकी मुख्यमन्त्रीले राज्यमा भ्रष्टाचारको मुद्दा पनि उठाइन्। उनले रोजगारी, सरकारी नोकरी वा अन्य सरकारी काम कट मनी बिना अगाड़ी बढ्न नसक्ने आरोप लगाइन्। उनी अनुसार, किसानहरू भुक्तानी नपाउँदा चिन्तित छन्, युवाहरू बेरोजगारीसँग संघर्ष गरिरहेका छन् र महिलाहरूले असुरक्षित महसुस गरिरहेका छन्।

रेखा गुप्ताले मुख्यमन्त्री ममता ब्यानर्जीलाई सुझाउ दिइन् कि अरूलाई प्रतिक्रिया दिनुको सट्टा उनले आफ्नो चुनावी अभियानमा ध्यान केन्द्रित गर्नुपर्छ र जनताको आवाज सुन्नुपर्छ।

यसैबीच मुख्य निर्वाचन आयुक्त ज्ञानेश कुमारले आश्वासन दिए कि निर्वाचन आयोगले पश्चिम बंगालमा स्वतन्त्र, निष्पक्ष र शान्तिपूर्ण चुनाउ सञ्चालन गर्न पूर्ण तयारी गरिरहेको छ।

यस पाली पश्चिम बंगालको 294 विधानसभा सीटका लागि दुई चरणमा मतदान हुनेछ। पहिलो चरणको मतदान 23 अप्रेलमा र दोस्रो चरण 29 अप्रेलमा हुनेछ, जसको मतगणना 04 मईमा हुनेछ। राज्य राजनीतिमा सबैको नजर अब यी चुनाउहरूको नतिजामा केन्द्रित छ।

हिन्दुस्थान समाचार / भवानी थामी