कोलकाता, 27 अप्रेल (हि.स.)। पश्चिम बंगाल विधानसभा चुनाउको दोस्रो चरणको प्रचारको अन्तिम दिन सोमवार केन्द्रिय गृहमन्त्री अमित शाहले धार्मिक आस्था र राजनीतिक गतिविधिहरूको मिश्रणबाट आफ्नो दिनको शुरूआत गरे। उनले बिहान गंगासागरको भ्रमण गरे। सागरमा स्नान गरेपछि उनले कपिल मुनि आश्रममा प्रार्थना गरे र देश र राज्यको समृद्धिको लागि प्रार्थना गरे।

त्यसपछि अमित शाह कोलकाता गए, जहाँ उनले बेहाला पश्चिम विधानसभा निर्वाचन क्षेत्रमा भारतीय जनता पार्टी (भाजपा) का उम्मेदवार इन्द्रनील खानको समर्थनमा एक विशाल रोड शो गरे। ठूलो संख्यामा पार्टी कार्यकर्ता, समर्थक र स्थानीय बासिन्दाहरू उपस्थित थिए।

पश्चिम बंगालमा भाजपाको जितमा विश्वास व्यक्त गर्दै अमित शाहले राज्यमा सरकार गठन हुने बताए। उनले देशका सबै नागरिकहरूका लागि एक समान कानून हुनुपर्छ र चार विवाह जस्ता प्रथाहरू खारेज गरिनुपर्छ भन्दै समान नागरिक संहिता (यूसीसी) लागू गरिनुपर्ने आवश्यकतामा पनि जोड दिए।

अमित शाहले चुनाउको समय अहिलेसम्म कुनै पनि ठूलो हिंसाको घटना रिपोर्ट गरिएको छैन र मतदान प्रक्रिया शान्तिपूर्ण रूपमा अगाड़ी बढ़िरहेको पनि बताए। उनले भविष्यमा राज्यका जनताले भाजपालाई सत्तामा ल्याउने विश्वास व्यक्त गरे।

यो उल्लेखनीय छ, राज्यमा दोस्रो चरणको मतदान बुधवार हुने तय भएको छ र चुनावी अभियान सोमवार साँझ समाप्त हुनेछ।

हिन्दुस्थान समाचार / भवानी थामी