नयाँ दिल्ली, १४ जुलाई (हि.स.)। केन्द्रिय सडक यातायात तथा राजमार्ग मन्त्री नितिन गडकरी र रक्षा मन्त्री राजनाथ सिंहसहित विभिन्न केन्द्रिय मन्त्रीहरूले राष्ट्रिय स्वयंसेवक संघ (आरएसएस) का चौथो सरसंघचालक रज्जू भैयाको पुण्यतिथिको अवसरमा उनलाई श्रद्धाञ्जली अर्पण गरेका छन्।
नितिन गडकरीले एक्समार्फत लेखेका छन्, “राष्ट्रिय स्वयंसेवक संघका चौथा सरसंघचालक रज्जू भैयाको पुण्यतिथिमा उहाँप्रति विनम्र श्रद्धाञ्जली।”
रक्षा मन्त्री राजनाथ सिंहले प्रो. राजेन्द्र सिंह ‘रज्जू भैया’ भौतिकशास्त्रका विद्वान, कुशल शिक्षाविद् तथा असाधारण सङ्गठनकर्ता भएको उल्लेख गरे। उनले आफ्नो सम्पूर्ण जीवन राष्ट्र, समाज र सङ्गठनको सेवामा समर्पित गरेको भन्दै सादगी, राष्ट्रवाद र सेवाका आदर्शलाई आत्मसात गरेको बताए। राजनाथका अनुसार, रज्जू भैया स्वदेशी, ग्रामोदय र आत्मनिर्भर भारतका बलिया समर्थक थिए र राष्ट्र निर्माणमा उनको योगदान तथा आदर्शले आगामी पुस्तालाई पनि प्रेरित गरिरहनेछ।
केन्द्रिय कृषि तथा किसान कल्याण मन्त्री शिवराज सिंह चौहानले राष्ट्र र समाजको सेवाका लागि रज्जू भैयाले तपस्वी जीवन बिताएको र असंख्य स्वयंसेवकलाई यस महान् कार्यका लागि तयार पारेको बताए। उनले रज्जू भैयाले सेवाको जुन पवित्र ज्योति जनमानसमा प्रज्वलित गरेका छन्, त्यसले देश र समाजको उन्नतिका लागि सबैलाई निरन्तर प्रेरणा दिइरहने विश्वास व्यक्त गरे।
केन्द्रिय संस्कृति तथा पर्यटन मन्त्री गजेन्द्र सिंह शेखावतले संघको सेवामा आजीवन समर्पित, कर्मठता र कर्तव्यनिष्ठाका प्रतीक रज्जू भैया प्रत्येक स्वयंसेवकका लागि सदैव प्रेरणाका स्रोत रहने बताए।
विधि, न्याय तथा संसदीय मामिला (स्वतन्त्र प्रभार) मन्त्री अर्जुन राम मेघवालले राष्ट्रिय स्वयंसेवक संघका चौथा सरसंघचालक, प्रखर राष्ट्रवादी चिन्तक, शिक्षाविद् तथा मातृभूमिका अनन्य उपासक प्रो. राजेन्द्र सिंह ‘रज्जू भैया’ को पुण्यतिथिमा उनीप्रति हार्दिक श्रद्धाञ्जली अर्पण गरेका छन्।
---------------
हिन्दुस्थान समाचार / भवानी थामी
