नयाँ दिल्ली, 12 अगस्त (हि.स.)। स्वतन्त्रता दिवसको उपलक्ष्यमा 'हर घर तिरङ्गा 2026' अभियानको एक हिस्साको रूपमा उपराष्ट्रपति सीपी राधाकृष्णनले बुधवार सांसदहरूको साथ विशेष बाइक ऱ्यालीलाई हरियो झण्डा देखाएर प्रस्थान गराए। संस्कृति मन्त्रालयले आयोजना गरेको यो ऱ्याली राष्ट्रिय गीत 'बन्दे मातरम' को 150औँ वर्षगाँठमा निकालियो।
ऱ्यालीमा केन्द्रिय मन्त्री किरेन रिजिजु, राजीव रञ्जन सिंह, गजेन्द्र सिंह शेखावत, बिरेन्द्र कुमार, जी किशन रेड्डी र जितेन्द्र सिंह सहित धेरै सांसद र अन्य गण्यमान्य व्यक्तिहरू उपस्थित थिए।
यस अवसरमा देशवासीलाई 'हर घर तिरङ्गा' अभियानमा सक्रिय रूपमा भाग लिन र स्वतन्त्रता दिवसको अवसरमा आफ्नो घरमा त्रिरङ्गा फहराएर राष्ट्रलाई सम्मान र एकताको सन्देश दिन आह्वान गरियो।
कार्यक्रमलाई सम्बोधन गर्दै उपराष्ट्रपति राधाकृष्णनले भारतको स्वतन्त्रता सङ्ग्राममा जनतामा देशभक्तिको भावना जगाउन 'बन्दे मातरम' सबैभन्दा ठूलो प्रेरणा बनेको बताए। उनले स्वतन्त्रता सङ्घर्षले सम्पूर्ण देशलाई भाषा, क्षेत्र र धर्मभन्दा बाहिर एकजुट गरेको र 'बन्दे मातरम' यस राष्ट्रिय चेतनाको सबैभन्दा बलियो प्रतीक रहेको बताए।
उनले अन्डमान र निकोबार द्वीप समूहको श्री विजयपुरममा फ्ल्याग पोइन्टमा तिरङ्गा फहराएर हालै शुरु गरिएको 'हर घर तिरङ्गा' अभियानको पनि उल्लेख गरे। उनले भने कि यो उही ऐतिहासिक स्थान हो जहाँ सुभाष चन्द्र बोसले 30 दिसम्बर 1943 मा त्रिरङ्गा फहराएर अन्डमान र निकोबारलाई ब्रिटिस शासनबाट मुक्त घोषणा गरेका थिए।
ऱ्यालीमा सहभागी सांसद र युवाहरूले हातमा त्रिरङ्गा लिएर देशको एकता, अखण्डता र राष्ट्र निर्माणका लागि आफ्नो प्रतिबद्धता दोहोऱ्याए।
भाजपाका सांसद बांसुरी स्वराजले तिरङ्गा राष्ट्रिय झण्डा मात्र नभई 140 करोड़ भारतीयहरूको संकल्प, आकांक्षा र सपनाको प्रतीक भएको बताइन्। यो यात्रा स्वतन्त्रता सेनानीहरूको बलिदानको सम्मानका साथै देशको नयाँ पुस्ताको उज्ज्वल भविष्यको उत्सव भएको उनले बताइन्।
/ बिशाल
