कोलकाता, 13 अगस्ट (हि.स.)। आरजीकर मेडिकल कलेज र अस्पतालमा एक महिला डाक्टर-प्रशिक्षुको बलात्कार र हत्याको घटनामा नयाँ मोड़ आएको छ। पानीहाटीका पूर्व तृणमूल काङ्ग्रेस विधायक निर्मल घोषलाई ओडिसाबाट पक्राउ गरिएको छ। घटनापछि आरजी कर अस्पतालकी पीड़ितको शवलाई बलजफ्ती दाहसंस्कार गर्नमा उनको भूमिका रहेको आरोप लगाइएको छ।
पुलिस सूत्रहरू अनुसार, मृतकाका पिताले सोमवार उत्तर 24 परगनाको खारदह पुलिस थानामा निर्मल घोष सहित तीन जना विरुद्ध एफआइआर दर्ता गरेका थिए। सोही एफआइआरको आधारमा निर्मल घोषलाई पक्राउ गरिएको छ।
सूत्रहरू अनुसार, नयाँ एफआइआर दर्ता भएपछि मात्रै निर्मल घोष ओडिसाका लागि निस्किए र त्यहाँ लुकेर बस्दै आएका थिए। उनले पुलिसको निगरानीबाट बच्न नयाँ सिम कार्ड प्रयोग गरिरहेका थिए। यो सिम कार्ड मार्फत उनी आफ्ना केही नजिकका व्यक्तिहरूसँग सम्पर्कमा थिए।
मङ्गलवार पुलिसले मोबाइल फोनको टावर लोकेशनको आधारमा निर्मल घोषको गतिविधिको जानकारी प्राप्त गऱ्यो। यसपछि पुलिसले अनुसन्धानलाई तीव्र बनायो। बिहिवार 9 बजी पुलिसले पुरी नजिकैको होटलमा छापा माऱ्यो र त्यहाँबाट निर्मल घोषलाई पक्राउ गऱ्यो।
पुलिसले अहिले निर्मल घोषलाई सोधपुछ गरिरहेको छ र आरजी कर मामिलामा शव दाहसंस्कारसँग सम्बन्धित घटनाक्रममा उनको भूमिका के थियो भनेर पत्ता लगाउने प्रयास गरिरहेको छ। मुद्दामा दर्ता गरिएको नयाँ एफआइआरको आधारमा अनुसन्धान अघि बढ़िरहेको छ।
हिन्दुस्थान समाचार / भवानी थामी
