कोलकाता, 13 अगस्त (हि.स.)। पश्चिम बङ्गालको हाबराबाट पक्रा परेको पाकिस्तानी नागरिक वहाब आलमले केही समयदेखि बङ्गलादेश भाग्ने तयारी गरिरहेको थियो। बङ्गलादेशमा सुरक्षित बसेपछि नयाँ पहिचान र नयाँ जागिर लिएर पश्चिम बङ्गाल फर्कने उसको योजना थियो। स्पेशल टास्क फोर्स (एसटीएफ) को सोधपुछमा उसले यो योजनाको खुलासा गरेको छ।
अनुसन्धानकर्ताहरू अनुसार, आलमलाई पाकिस्तानको गुप्तचर एजेन्सी आईएसआईले भारतको पूर्वी क्षेत्रमा सेना, नौसेना र रेलवेसँग सम्बन्धित महत्त्वपूर्ण जानकारी सङ्कलन गर्न पश्चिम बङ्गाल पठाएको थियो। सोधपुछमा उसले पाकिस्तानमा रहेका आफ्ना ह्यान्डलरहरूले उसलाई केही समयका लागि बङ्गलादेश जान सल्लाह दिएको खुलासा गऱ्यो।
एसटीएफले आलमको सोधपुछ र उनीदेखि जफत गरिएको नेटबुकको जाँचको आधारमा बङ्गलादेशमा सक्रिय आईएसआई एजेन्ट पावेलको बारेमा पनि जानकारी सङ्कलन गरेको छ। बांग्लादेश पुगेपछि आलमले जेसोरमा बस्ने पावेललाई भेट्ने बताइएको छ।
अनुसन्धान अनुसार, पावेलले बांग्लादेशमा आलमको लागि सुरक्षित आश्रयको व्यवस्था गर्नुपर्नेथियो। त्यसपछि उसलाई पश्चिम बङ्गालमा नयाँ कार्यभार तोकिने र बांग्लादेशमा छोटो समय बसेपछि राज्यमा फिर्ता पठाइने योजना थियो।
आलमले कथित रूपमा सोधपुछकर्ताहरूलाई भन्यो कि यस वर्ष पश्चिम बङ्गाल विधानसभा चुनाउ अगाड़ी विशेष गहन संशोधन अभियानको क्रममा मतदाता सूचीबाट उसको नाम हटाइएपछि उ र पाकिस्तानमा उसका ह्यान्डलरहरूलाई सतर्क पारिएको थियो। त्यसपछि उसलाई कोलकाताको तोप्सिया क्षेत्रबाट केही समयका लागि पश्चिम बङ्गालको भारत-बङ्गलादेश सीमामा रहेको जिल्लामा ठेगाना बनाउने सल्लाह दिइएको थियो।
यसै योजना अन्तर्गत उसले उत्तर 24 परगना जिल्लाको हाबरामा ठेगाना बनायो। एसटीएफले उसलाई हाबराबाट नै पक्राउ गरेको थियो। उसको सोधपुछको आधारमा उसको स्थानीय सहयोगी मोहम्मद इजाजलाई पनि तोप्सियामा पक्राउ गरियो।
अनुसन्धानबाट आलम तोप्सियामा इजाजको घरमा भाड़ामा बस्ने गरेको खुलासा भएको छ। इजाजले पाकिस्तानी नागरिकका लागि नक्कली भारतीय पहिचान कागजात तयार गर्न सहयोग गरेको आरोप लगाइएको छ। यसमा आधार कार्ड, प्यान कार्ड र अन्तमा मतदाता परिचय पत्रहरू समावेश थिए।
एसटीएफ अनुसार, आलम साल 2012 मा भारत-नेपाल सीमा हुँदै भारत पसेको थियो। त्यसबेलादेखि उ पश्चिम बङ्गालका विभिन्न भागमा बस्दै आएको थियो। अनुसन्धान एजेन्सीहरूले अब उसका सम्पर्कहरू, नक्कली कागजातहरू र पाकिस्तान र बांग्लादेशमा सञ्चालन हुने सञ्जालहरूको लिङ्कहरू हेरिरहेका छन्।
हिन्दुस्थान समाचार / भवानी थामी
