गान्तोक, 15 अगस्त (हि.स.)। सिक्किम उच्च न्यायालयले आज देशको ८०औँ स्वतन्त्रता दिवस देशभक्तिपूर्ण उत्साह र हर्षोल्लासका साथ मनाएको छ।
यस अवसरमा सिक्किम उच्च न्यायालयका न्यायाधीश न्यायमूर्ति भास्कर राज प्रधानले राष्ट्रिय झण्डोत्तोलन गरे। त्यसपछि उनले सिक्किम सशस्त्र पुलिसबाट गार्ड अफ अनर ग्रहण गरे। समारोहमा ‘वन्दे मातरम्’ को सुमधुर प्रस्तुति तथा राष्ट्रिय गान पनि प्रस्तुत गरिएको थियो।
स्वतन्त्रता दिवसको अवसरमा सिक्किम उच्च न्यायालयको सभागारमा रंगारंग सांस्कृतिक कार्यक्रमसमेत आयोजना गरिएको थियो। कार्यक्रममा जिल्ला शिक्षा तथा प्रशिक्षण संस्थान (डाइट) कलेज, सिक्किम न्यायिक एकेडेमी, बोजोघारी चिल्ड्रेन वेलफेयर एसोसिएसन, बार एसोसिएसन अफ सिक्किम (उच्च न्यायालय तथा अधीनस्थ अदालत), सिक्किम हाई कोर्ट बार एसोसिएसन तथा सिक्किम उच्च न्यायालयका विद्यार्थी र सदस्यहरूले विभिन्न सांस्कृतिक नृत्य तथा गीत प्रस्तुत गरेका थिए।
कार्यक्रमको अन्त्यमा न्यायमूर्ति भास्कर राज प्रधान तथा अन्य विशिष्ट अतिथिहरूले सहभागीहरूलाई उनीहरूको उत्कृष्ट प्रस्तुति र योगदानको कदरस्वरूप स्मृति-चिन्ह प्रदान गरे।
हिन्दुस्थान समाचार / बिशाल
