फतेहपुर, 18 अगस्त (हि.स.)। उत्तर प्रदेशको फतेहपुर जिल्लामा हिजो राति पुलिस र बदमाशहरबीच भिड़न्त भयो। भिड़न्तको क्रममा एक जना बदमाशलाई गोली लागेको थियो भने भागिरहेका अन्य दुई बदमाशलाई पुलिसले पक्राउ गरेको थियो। पक्रा परेका बदमाशहरू बकेवार र आङ पुलिस थाना क्षेत्रमा दर्ता भएका चोरी र अन्य मुद्दाहरूमा खोजिएका थिए।

बकेवार पुलिस थाना र अपराध शाखा टोलीले हिजो राति देवमाई नहर पुलिया नजिकै गरेको संयुक्त कारबाहीमा रफीक निवासी कछेवरा, थाना जहानाबादको देब्रे खुट्टामा गोली लाग्यो। उसलाई उपचारका लागि अस्पताल लगियो। यसैबीच जहानाबादको तेजनगर पुलिस थानाको बासिन्दा नसीम र जावेद दुवैलाई पुलिसले घटनास्थलबाट पक्राउ गऱ्यो।

पुलिसले अभियुक्तको कब्जाबाट दुई अवैध 315 बोरको पेस्तोल, दुई खोखा, तीन जिउँदो कारतूस, एक सेतो रङको बोलेरो कार, 1 लाख नगद, फलामको रड र चार मोबाइल फोन जफत गरेको छ।

बकेवार एसएचओ दिवाकर सिंहले पक्रा परेका बदमाशहरू बकेवार र आङ पुलिस थाना अन्तर्गत थुप्रै आपराधिक मामिलामा खोजिएको बताए। उनीहरू फतेहपुर जिल्ला र अन्य जिल्लामा 15 भन्दा बढ़ी मामिलामा खोजिएको बताइएको छ। पक्रा परेका अभियुक्तहरू विरुद्ध कानूनी कारबाही भइरहेको पुलिसले बताएको छ।

हिन्दुस्थान समाचार / भवानी थामी