गान्तोक, १९ सेप्टेम्बर (हि.स.)। मुख्यमन्त्री प्रेमसिंह तामाङले राष्ट्रिय हातकरघा पुरस्कार २०२५ प्राप्त गरेकी शीतल तामाङलाई बधाई दिएका छन्। उनले आज आफ्नो सरकारी निवासमा शीतल तामाङसँग भेट गरी उनको उल्लेखनीय उपलब्धिका लागि बधाई दिएका हुन्।

मुख्यमन्त्रीले शीतल तामाङलाई प्रदान गरिएको प्रतिष्ठित राष्ट्रिय हातकरघा पुरस्कार 2026 ले सिक्किमको समृद्ध हातकरघा सम्पदाको संरक्षण तथा प्रवर्द्धनमा उनको अमूल्य योगदानलाई सम्मान गरेको बताएका छन्।

मुख्यमन्त्रीले उनको उपलब्धि सिक्किमका लागि गौरवको क्षण हुनुका साथै परम्परागत हस्तकला तथा सांस्कृतिक सम्पदाको संरक्षणमा निरन्तर लागिरहेका स्थानीय शिल्पकार तथा बुनकरहरूका लागि प्रेरणाको स्रोत रहेको उल्लेख गरेका छन्।

उनले शीतल तामाङको आगामी सबै प्रयासमा निरन्तर सफलताको शुभकामना व्यक्त गरेका छन्।

हिन्दुस्थान समाचार / बिशाल