तिनसुकिया, 17 अक्टोबर (हि.स.)। असमको तिनसुकियाको काकोपाथरमा भारतीय सेनाको एक शिविरमाथि घातक हमला भएपछि पुलिसले आक्रमणकारीहरूद्वारा प्रयोग गरिएको ट्रक असम-अरूणाचल सीमा नजिक जफत गरेको छ। असम-अरूणाचल प्रदेश सीमा निकट नोआ-दिहिंग नदीको किनार टेंगापानी घाटबाट वाहन (एएस-25ईसी-2359) जफत गरियो। पुलिस सूत्रहरू अनुसार, आक्रमणकारी कथित रूपमा सेना शिविरमाथि हमला गर्न अगाड़ी दुमदुमातिर ट्रकमा आएका थिए।

उग्रवादीहरूले शिविरमा तीन अण्डर बैरल ग्रेनेड लाञ्चर (यूबीजीएल) दागे र लगभग 30 मिनटसम्म भारी गोलीबारी जारी राखे, जसबाट गए अबेर राति क्षेत्रमा आतङ्क फैलियो। बताइँदैछ, हमलापछि आक्रमणकारी नदी किनार त्यही बाटो अरूणाचल प्रदेशतिर भागे। सुरक्षाबलहरूले आक्रमणकारीहरूलाई खोज्न सीमावर्ती क्षेत्रहरूमा व्यापक संयुक्त अभियान शुरू गरेको छ।

हमलामा कम्तीमा तीन भारतीय सैन्यकर्मी घाइते भएका छन्, यद्यपि, उनीहरूको अवस्था स्थिर बताइएको छ। प्रारम्भिक जाँचमा थाहा लागेको छ, यो हमला प्रतिबन्धित उग्रवादी संगठन यूनाइटेड लिबरेशन फ्रन्ट अफ असम-स्वाधीन (उल्फा-स्व) का उग्रवादीहरूद्वारा गरिएको थियो।

पुलिस र सेना माथिल्लो असममा हाई अलर्टमा छन् र यस सुनियोजित हमलाको पछाड़ी रहेको समूहको पत्तो लगाउन खोजी अभियान जारी छ।

गए बिहिवार अरूणाचल प्रदेशको चांगलांग जिल्लान्तर्गत भारत-म्यान्मार क्षेत्रमा पनि संदिग्ध उग्रवादी संगठन एनएससीएन-केवाई (ए) र उल्फा (स्व) का उग्रवादीहरूले असम रायफल्सको शिविरमाथि हमला गरे, जसमा आधिकारिक रूपमा दुई जवान घाइते भएका थिए। अपुष्ट खबरहरू अनुसार, चार जवान घाइते भए। पूरा क्षेत्रमा सुरक्षाबलहरूले सघन खोजी अभियान शुरू गरेको छ।

हिन्दुस्थान समाचार / भवानी थामी