पाकिम, 02 अक्टोबर (हि.स.)। पाकिम जिल्लाको जिल्ला प्रशासनिक केन्द्रसहित रम्फू र रङ्गेलीका महकुमा कार्यालयहरूमा आज 156औं गॉंधी जयन्ती पालन गरियो। जिल्ला प्रशासनको निगरानीमा आयोजित कार्यक्रममा सरकारी अधिकारी र कर्मचारीहरू सहभागी बनेका थिए।
जिल्ला मुख्यालयमा आयोजित कार्यक्रममा राष्ट्रपिता महात्मा गॉंधीको फोटोमा फूल मालाका श्रद्धाञ्जली अर्पित गरियो। कार्यक्रममा गॉंधी जयन्ती पालन गर्नुको महत्वमा प्रकाश पारिएको थियो भने उपस्थित सबैलाई सत्य, शान्ति र अहिंसाका मूल्यहरू कायम राख्न शपथ ग्रहण गराइयो।
जिल्लाका महकुमा कार्यालयहरूमा पनि आज गॉंधी जयन्ती पालन गरिएको छ। कार्यालयका अधिकारीहरू र कर्मचारीहरूले राष्ट्रपिताको स्वतन्त्रता संग्राम र राष्ट्र निर्माणमा योगदानको स्मरण गर्दै श्रद्धाञ्जली अर्पित गरे। यस क्रममा कार्यालय परिसरहरू र छेउछाउका सार्वजनिक स्थलहरूमा साफ सफाई पनि गरिएको थियो।
हिन्दुस्थान समाचार / बिशाल
