भोपाल, ५ अक्टोबर (हिस.)। मध्यप्रदेशका मुख्यमन्त्री डा. मोहन यादवले असम भ्रमणका क्रममा आइतबार विश्वप्रसिद्ध काजीरंगा राष्ट्रिय निकुञ्ज र चिया बगानको अवलोकन गरे। उनले चिया उत्पादनको प्रक्रिया नजिकबाट हेरे र स्थानीय किसान तथा श्रमिक दिदीबहिनीहरूसँग आत्मीय संवाद पनि गरे।

मुख्यमन्त्री यादवले भने, चिया उद्योग असमको गौरव र अर्थतन्त्रको प्रतीक हो। परिश्रम, अपनत्व र सरलताको भूमि असम र मध्यप्रदेशबीच व्यापार–उद्योगसँगै इको–पर्यटन र वन्यजन्तु पर्यटनका क्षेत्रमा परस्पर सहयोग र विश्वासको साझेदारीलाई विस्तार गर्न विशेष पहल गरिनेछ।

काजीरंगा राष्ट्रिय निकुञ्जमा उनले प्राकृतिक सौन्दर्य र वन्यजन्तु संरक्षणका अद्भुत दृश्य अवलोकन गरे र हात्तीहरूलाई गन्ना खुवाउँदै स्नेह प्रदर्शन गरे। उनले निकुञ्जमा वन्यजन्तु संरक्षण र संवर्द्धनका नवीन प्रयोगबारे जानकारी लिएका थिए र भ्रमणका क्रममा एउटा अजिङ्गरलाई प्राकृतिक आवासमा पुनः छोड्ने कार्य पनि गरे।

उल्लेखनीय छ, काजीरंगा राष्ट्रिय निकुञ्ज एकसिङ्गा गैँडा सहित पूर्वी हिमालयको जैव–विविधताको केन्द्र हो, जसलाई युनेस्कोले विश्व–धरोहरको रूपमा घोषणा गरेको छ। यो निकुञ्ज हात्ती, जंगली भैँसी, दलदली हरिण र विभिन्न पक्षी प्रजातिहरूको आश्रय स्थल हो। काजीरंगा वन्यजन्तुको समृद्ध संख्याका साथै संरक्षण गतिविधिका कारण पनि विख्यात छ।

---------------

हिन्दुस्थान समाचार / भवानी थामी