नयाँ दिल्ली, 15 नोभेम्बर (हि.स.)। प्रधानमन्त्री नरेन्द्र मोदीले शनिबार भगवान बिरसा मुण्डाको १५०औं जयन्ती र झारखण्ड स्थापना दिवसको अवसरमा राष्ट्रलाई शुभकामना व्यक्त गर्दै यो अवसर आदिवासी समुदायको गौरवशाली परम्परा, उनीहरूको साहस र देशको लागि उनीहरूको बलिदानलाई सम्झने अवसर भनी बताएका छन्।
प्रधानमन्त्रीले भने, 'बिरसा मुण्डाको विरासतले सम्पूर्ण राष्ट्रलाई आत्मसम्मान र संघर्षको लागि प्रेरित गर्छ, जबकि झारखण्डको सांस्कृतिक पहिचानले देशको विविधतालाई अझ बलियो बनाउँछ।'
प्रधानमन्त्री मोदीले सामाजिक सञ्जाल एक्समा दुई छुट्टाछुट्टै पोस्टहरू मार्फत शुभकामना व्यक्त गरेका छन्। यी पोस्टहरूमा प्रधानमन्त्री मोदीले महान स्वतन्त्रता सेनानी भगवान बिरसा मुण्डाको १५०औं यन्तीमा श्रद्धाञ्जली अर्पण गरेका छन्।
उनले भने, 'आदिवासी गौरव दिवसमा, सम्पूर्ण देशले मातृभूमिको आत्मसम्मानको रक्षा गर्न बिरसा मुण्डाको अतुलनीय योगदानलाई सम्झिरहेको छ। विदेशी शासनको अत्याचार विरुद्धको उनको संघर्षले आउने हरेक पुस्तालाई प्रेरणा दिइरहनेछ।'
अर्को पोस्टमा, प्रधानमन्त्रीले झारखण्डको स्थापना दिवसमा झारखण्डका जनतालाई शुभकामना व्यक्त गरेका छन्। उनले भने, 'आदिवासी संस्कृतिले समृद्ध यो राज्य साहस, संघर्ष र आत्मसम्मानका कथाहरूले भरिएको छ।' प्रधानमन्त्रीले भगवान बिरसा मुण्डाको भूमि झारखण्डको प्रगति र समृद्धिको कामना गरेका छन्।
हिन्दुस्थान समाचार / भवानी थामी
15 Nov 2025
