श्रीनगर, 16 नोभेम्बर (हि.स.)। फोरेन्सिक साइन्स ल्याबोरेटरी (एफएसएल) टोली र सुरक्षा बलले श्रीनगरको नौगाम पुलिस थाना वरपरको क्षेत्र सिल गरेको छ। नौ जनाको मृत्यु र ३२ जना घाइते भएको आकस्मिक विस्फोटको जॉंच भइरहेको छ। सुरक्षाकर्मी र फोरेन्सिक विज्ञहरू प्रमाण सङ्कलन गर्न घटनास्थलमा छन्।
शुक्रबार राति नौगाम पुलिस थानाभित्र भएको आकस्मिक विस्फोटमा नौ पुलिसकर्मीको मृत्यु भएको छ भने ३२ जना घाइते भएका छन्। विस्फोटले नजिकैको भवनमा व्यापक क्षति पुर्याएको छ। घाइतेहरूलाई श्रीनगरको श्री महाराजा हरि सिंह अस्पताल (एसएमएचएस) मा भर्ना गरिएको छ।
जम्मू कश्मीरका पुलिस महानिदेशक (डीजीपी) नलिन प्रभातले शनिबार भने, घटनाको बारेमा कुनै पनि अनुमान लगाउनु अनावश्यक छ, किनकि प्रारम्भिक निष्कर्षले अनिवार्य फोरेन्सिक प्रक्रियाहरूको क्रममा अनजानमा विस्फोट भएको संकेत गर्दछ।
डीजीपीले भने, मारिएका नौ जनामा राज्य जॉंच एजेन्सी (एसआईए) का एक अधिकारी, तीन एफएसएल कर्मचारी, दुई अपराध स्थल फोटोग्राफर, मजिस्ट्रेटको टोलीलाई सहयोग गर्ने दुई राजस्व अधिकारी र अपरेशनमा संलग्न एक दर्जी समावेश छन्।
हिन्दुस्थान समाचार / भवानी थामी
