लखनऊ, 16 नोभेम्बर (हि.स.)। राष्ट्रपति द्रौपदी मुर्मु 28 नोभेम्बरमा लखनऊको सुल्तानपुर रोडमा रहेको ब्रह्माकुमारीजको राजयोग प्रशिक्षण केन्द्रमा राज्यस्तरीय उद्घाटन समारोहमा सहभागी हुनेछिन्।

उक्त जानकारी ब्रह्माकुमारीज लखनऊकी उप-क्षेत्र प्रभारी राजयोगिनी राधा बहनले दिएकी हुन्। उनले राष्ट्रपतिका साथै राज्यपाल आनन्दीबेन पटेल, मुख्यमन्त्री योगी आदित्यनाथ र ब्रह्माकुमारीजको संयुक्त मुख्य प्रशासक राजयोगिनी सन्तोष दिदी विश्व एकता र विश्वासको लागि ध्यान (योग) कार्यक्रममा उपस्थित रहने बताइन्।

राजयोगिनी राधा बहनले आध्यात्मिकता हरेक वर्ग र उमेर समूहको लागि आवश्यक रहेको बताइन्। यस मार्फत मात्र मानव आत्मालाई रूपान्तरण गर्न सकिन्छ र वसुधैव कुटुम्बकमको संकल्पलाई साकार पार्न सकिन्छ।

हिन्दुस्थान समाचार / भवानी थामी