सिलगढ़ी, 19 नोभेम्बर (हि.स.)। शहरमा भइरहेको फोर लेन एलिभेटेड सड़कको निर्माण कार्यमा दुर्घटनाहरूको सिलसिलाले रोकिने नाम लिएको छैन। मात्र एक महिनाभित्रमा दोस्रो पटक फेरि एकजना श्रमिक निर्माणाधिन फ्लाइओभरबाट झरेर गम्भीर रूपमा घाइते भए। यो समाचार लेखुञ्जेलसम्म श्रमिकको पहिचान हुन सकेको थिएन। घटनापछि अब निर्माण कम्पनीलाई लिएर प्रश्न उठिरहेको छ। घटना बुधवार सालुगड़ा नजिक पिलर नम्बर-51 मा काम गर्ने क्रममा भएको हो।

प्रत्यक्षदर्शीहरूले बताए, पिलर नम्बर-51 मा काम गरिरहेका एकजना श्रमिक अचानक निर्माणाधिन फ्लाइओभरदेखि तल झरे। श्रमिक झरेको आवाज सुनेर अन्य सहकर्मीहरू घटनास्थलमा पुगे अनि घाइते श्रमिकलाई जिल्ला अस्पतालमा पुऱ्याए। श्रमिकको अवस्था गम्भीर रहेको कारणले यहाँबाट माटीगाड़ास्थित एक नर्सिंग होममा रेफर गरियो जहाँ तिनको अवस्था चिन्ताजनक रहेको बताइएको छ। बारम्बार दुर्घटनाहरू भइरहेको भए पनि निर्माण कम्पनीको पक्षबाट कुनै आधिकारिक बयान जारी गरिएको छ जसबाट श्रमिकहरूको सुरक्षालाई लिएर प्रश्न उठिरहेको छ।

हिन्दुस्थान समाचार / उष्णता छेत्री शर्मा