
गान्तोक, 19 नोभेम्बर (हि.स.)। विधायक मदन सिन्चुरीको अगुवाईमा एक टिमले आज माघे संक्रान्ति मेला खेलमैदानको ड्रोनद्वारा निरीक्षण गऱ्यो। यस क्रममा महत्वपूर्ण स्थानहरू पार्किङ एरिया, फड्के पुल र सन्ध्या आरती स्थलमा भीडको आवागमन, सुरक्षा उपायहरू र समग्र तयारीको मूल्याङ्कन गर्न विस्तृत रूपमा समीक्षा गरिएको बताइएको छ। आगामी माघे संक्रान्ति मेला २०२६ को लागि सहज व्यवस्थापन, आगन्तुकहरूको अनुभव बढाउनु र बलियो सुरक्षा व्यवस्था सुनिश्चित गर्न मूल्याङ्कन गरिएको प्रेस विज्ञप्तिमा उल्लेख छ।
हिन्दुस्थान समाचार / बिशाल