शोणितपुर (असम), २३ नोभेम्बर (हि.स.)। असमका मुख्यमन्त्री डा. हिमन्त विश्व शर्माले आइतबार रंगापाडा विधानसभा क्षेत्रमा ‘मुख्यमन्त्री महिला उद्यमिता अभियान’ अन्तर्गत प्रारम्भिक पूँजी (सिड क्यापिटल) चेक वितरणको शुरुवात गरे। उनले भने, महिला शक्ति नै आत्मनिर्भर असमको मूल शक्ति हो र राज्य सरकारले महिलालाई उद्यमितामा अगाडि बढाउन निरन्तर काम गरिरहेको छ।
यस अवसरमा क्षेत्रका कूल २४,८२७ स्व–सहायता समूहकी महिलाहरूलाई १० हजार रुपियाँ रहेको चेक प्रदान गरियो, ताकि उनीहरूले आफ्ना–आफ्नै उद्यम शुरु गर्न सकून् र आफ्ना सपना साकार गर्ने दिशामा अघि बढून्।
मुख्यमन्त्रीले भने, राज्य सरकारको लक्ष्य असमका करिब ३० लाख महिलालाई ‘लखपति बैदेउव’ का रूपमा विकास गर्ने हो। उनले विश्वास व्यक्त गरे, आज वितरण गरिएको सहयोगले यी महिलाहरूलाई आर्थिक आत्मनिर्भरतातर्फ एक सशक्त कदम प्रदान गर्नेछ।
डा. शर्माले कृषि, पशुपालन, हथकरघा र हस्तकला जस्ता क्षेत्रमा महिलाहरूले आफ्नो आजीविका सुदृढ पार्दै ग्रामीण अर्थतन्त्रलाई बलियो बनाउने बताए। उनले सरकार सधैँ यी महिला उद्यमीहरूको साथमा रहने आश्वासन पनि दिए।
---------------
हिन्दुस्थान समाचार / बिशाल
