गुवाहाटी, 23 नोभेम्बर (हि.स.)। प्रतिबन्धित संगठन उल्फा (स्वा) को शीर्ष नेता अरूणोदय दहोटियाले भारत-म्यान्मार सीमामा आत्मसमर्पण गरेको खबर आएको छ। उल्फा (स्वा) को सेनाध्यक्षको अत्यन्त विश्वस्त मानिने स्वयम्भू मेजर जनरल अरूणोदय दहोटियाको आत्मसमर्पणको खबर पाएपछि उसकी आमा भावुक भइन्।

उच्च स्तरीय सुरक्षा सूत्रहरू अनुसार, दहोटियाले आइतवार असम राइफल्स सामू आत्मसमर्पण गऱ्यो।

सूत्रहरू अनुसार, दहोटियाको साथ उसको एक अंगरक्षकले पनि आत्मसमर्पण गरिसकेको छ। दहोटियाको साथ आत्मसमर्पण गर्ने दोस्रो उल्फा (स्वा) सदस्यको पहिचान फ्रान्सिस असमको रूपमा गरिएको छ। दुवैलाई अघिको प्रक्रियाको निम्ति दिल्ली लैजान सकिन्छ।

यद्यपि, यस सम्बन्धमा असम पुलिस र असम राइफल्सको तर्फबाट अहिलेसम्म कुनै आधिकारिक पुष्टि गरिएको छैन।

---------------

हिन्दुस्थान समाचार / बिशाल