नयाँ दिल्ली, 3 नोभेम्बर (हि.स.)। आयुष मन्त्रालयले विशेष अभियान ५.० अन्तर्गत देशभरका कार्यालयहरूमा सरसफाई अभियान सञ्चालन गरेको छ। यस अभियानबाट फोहोर बिक्री गरेर ७ लाख ३५ हजार रुपियाँ राजस्व संकलन गरिएको मन्त्रालयले जानकारी दिएको छ। अभियानका क्रममा १३६५ वर्गफुट कार्यालय क्षेत्र खाली गरिएको, ६५८ जनगुनासा र ५९ अपीलहरूको समाधान गरिएको साथै १०१ पुराना फाइलहरू हटाइएका छन्।

मन्त्रालयका अनुसार, यो अभियान २ अक्टोबरदेखि ३१ अक्टोबरसम्म सञ्चालन गरिएको हो, जसको उद्देश्य प्रशासनिक कार्यलाई सहज बनाउने, अभिलेख व्यवस्थापन सुधार गर्ने र सरकारी कार्यालयहरूमा स्थायी सरसफाई सुनिश्चित गर्नु थियो। सांसदहरूबाट प्राप्त २ समस्या समाधान गरिएको पनि बताइएको छ।

देशभरका आयुष संस्थानहरूमा ६८ सफाई अभियानहरू सञ्चालन गरिएका थिए, जसमा अधिकारी र कर्मचारीहरूले सक्रिय रूपमा सहभागिता जनाए। आयुष मन्त्रालयका वरिष्ठ अधिकारीहरूले आयुष भवनसहितका प्रमुख कार्यालयहरूमा उपस्थित भएर सफाइ गतिविधिको नेतृत्व गरेका थिए।

हिन्दुस्थान समाचार / भवानी थामी