हैदराबाद, नोभेम्बर ३ (हि.स.)। तेलङ्गानाको रंगारेड्डी जिल्लाको चेवेल्ला नजिक आइतबार बिहान लगभग छ बजे भएको सडक दुर्घटनामा कम्तीमा १८ जनाको मृत्यु भएको छ। यो दुर्घटना चेवेल्ला मण्डलको मिर्जागुडा क्षेत्रमा हैदराबाद–बीजापुर राजमार्गमा एक टिपरले यात्रु भरिएको बसलाई ठक्कर दिँदा भएको हो। बसको दायाँ भाग पूर्णरूपमा क्षतिग्रस्त भएको छ।
प्रत्यक्षदर्शीका अनुसार, ठक्करपछि टिपर बसमाथि नै पल्टियो। बसमा लगभग 7० जना यात्रु सवार थिए, जसमा अधिकांश विद्यार्थी थिए। उनीहरू बिदा सकिएर हैदराबाद फर्किंदै थिए। दुर्घटनामा घाइते भएका धेरै जनाको अवस्था गम्भीर छ। टिपर चालकको घटनास्थलमै मृत्यु भएको र उनको शव टिपरभित्रै फसेको थियो। हालसम्म १० वटा शव चावला अस्पतालमा पुर्याइएका छन्।
दुर्घटनापछि स्थानीय सवारी चालकहरूले उद्धारमा सहयोग गरेका थिए भने यात्रुलाई बसबाट निकालियो। यस घटनाका कारण चेवेल्ला–विकाराबाद सडकमार्गमा जाम लागेको छ। पुलिस स्थलमा उपस्थित छ र थप जानकारीको प्रतीक्षा गरिएको छ। स्थानीय सांसद तथा मन्त्री पनि घटनास्थल पुगेका छन्। गम्भीर रूपमा घाइते २० भन्दा बढी यात्रुलाई हैदराबाद पुर्याइँदैछ।
हिन्दुस्थान समाचार / भवानी थामी
