बेङ्गलुरु, 8 नोभेम्बर (हि.स.)। राष्ट्रिय स्वयंसेवक संघ (आरएसएस) का सरसंघचालक डा. मोहन भागवतले शनिबार भने, मुस्लिम र ईसाईहरूलाई जानाजानी हिन्दूहरूभन्दा फरक छन् भन्ने विश्वासमा भ्रमित गरिएको छ, यद्यपि पुर्खाहरू सबैका समान र परम्परागत सोच पनि एउटै जस्तो छ। उनले धेरै मुस्लिम र ईसाईहरूलाई भेटेको बताए जसले आफ्नो गोत्र पनि भन्छन्।
डा. भागवत संघको शताब्दी वर्ष अन्तर्गत यहॉं आयोजित दुई दिवसीय (8 एवं 9 नोमेम्बर) व्याख्यानमालामा बोल्दै थिए। यसको आयोजन यहॉंको बनशंकरीस्थित होसाकेरेहल्ली रिंग रोडमा पीईएस विश्वविद्यालयमा गरिएको छ। पहिलो दिन विभिन्न राज्यका लगभग 1,200 प्रतिष्ठित व्यक्तिहरूले भाग लिए। कार्यक्रमको शुरुवात वन्दे मातरमबाट भयो।
सरसंघचालक डा. भागवले भने, भारत एक हिन्दू राष्ट्र हो र हिन्दू हुनुको अर्थ देशप्रति जिम्मेवार हुनु हो। उनले भने, विविधताको सम्मान गर्दै एकता कायम राख्नु भारतको सुन्दरता हो। विविधता हाम्रो सजावट हो। उनले भने, 'बीइङ हिन्दू, आय रेस्पन्सिबल फर् भारत।' भारत एक हिन्दू राष्ट्र हो र संघको कार्य यसै भावनालाई सशक्त बनाउनु हो। संघ आज ठूलो भएको छ, तर हामी सन्तुष्ट छैनौं। हाम्रो उद्देश्य समाजलाई एकताको सूत्रमा बॉंध्नु हो।
डा. भागवतले भने, यतिका वर्षहरूको संघको विरोधमा धेरै कुरा भनियो, तर विरोध केवल मुखद्वारा भयो, हद्रयबाट होइन। हामी जब समाजमा घुम्छौं, कुनै विरोध पाएनौं। हामी सेवाको लागि आएका हौं र अब समाजले यसमाथि विश्वास गरिरहेको छ। उनले भने, विरोधी पनि हाम्रो लागि उपयोगी छन्, आलोचकहरूलाई नजिक राख्नुपर्छ।
संघको स्वरूपको बारेमा व्याख्या गर्दै उनले भने, यो संगठन अद्वितीय छ, अन्य कुनै पनि संगठनसँग अतुलनीय छ। उनले भने, संघ कुनै प्रतिक्रियाबाट जन्मिएको थिएन। १८५७ को क्रान्तिपछि, यो विचार गरिएको थियो कि कसरी केही मानिसहरूले हामीमाथि शासन गरिरहेका थिए। डा. केशवराव बलिराम हेडगेवार पनि यसमा संलग्न थिए। डा. हेडगेवारले १९१६-१७ मा यस दिशामा प्रयोगहरू शुरु गरे र १९२५ मा संघको उदय भयो। १९३९ सम्ममा कार्यकर्ताहरूले यसलाई एक प्रमाणित मोडेलको रूपमा स्वीकार गरे।
आरएसएस प्रमुख डा. भागवतले भने, व्यक्तिगत र राष्ट्रिय चरित्र दुवै आवश्यक छन्। यो विचारले शाखा परम्पराको सिर्जना गर्यो, एक घण्टाको अभ्यासमार्फत व्यक्ति र समाज दुवैको निर्माण।
उल्लेखनीय छ, संघले 2 अक्टोबर, २०२५ मा आफ्नो १०० औं वर्ष पूरा गऱ्यो। शताब्दी वर्षको अवधिमा देशभर व्याख्यान श्रृंखला, युवा सम्मेलनहरू, सामाजिक सद्भाव कार्यक्रमहरू, र संवाद श्रृंखलाहरू आयोजना गरिँदै छन्, जसको उद्देश्य समाजका सबै वर्गहरूलाई राष्ट्रिय एकताको धागोमा एकताबद्ध गर्नु हो।
हिन्दुस्थान समाचार / बिशाल
