गान्तोक, 10 दिसम्बर (हि.स.)। सिक्किमका लोकसभा सांसद डा. इन्द्रहाङ सुब्बाले आज लोकसभामा निर्वाचन सुधार सम्बन्धी संसदीय छलफलमा भाग लिए। यस क्रममा सांसदले निर्वाचन प्रक्रियालाई अझ प्रभावकारी, पारदर्शी र नागरिकमैत्री बनाउन बृहत् प्राविधिक हस्तक्षेपको आवश्यकतामा जोड दिए।

संसदीय छलफलमा भाग लिॅंदै सांसद सुब्बाले भने, 'निर्वाचन प्रणालीलाई सुदृढ़ पार्न विशेष गहन पुनरीक्षण (एसआईआर) लाई अपनाउनु महत्त्वपूर्ण छ, तर सिक्किम जस्ता राज्यहरूमा यसको कार्यान्वयन अत्यन्त सावधानीपूर्वक गरिनुपर्छ, जहाँ मतदाता आधार तुलनात्मक रूपमा सानो छ। मतदाता संख्यामा भएको सानो परिवर्तनले पनि चुनावी परिणामहरूलाई उल्लेखनीय रूपमा प्रभाव पार्न सक्छ त्यसैले, पञ्जीकरणदेखि प्रमाणीकरणसम्मको प्रत्येक चरणलाई स्थानीय सन्दर्भहरूप्रति सटीकता, जवाफदेहिता र संवेदनशीलताका साथ सम्हाल्नु पर्नेछ।'

सांसद सुब्बाले अझ भने, 'निर्वाचन सुधार गर्दा मात्र नभई लोकसभामा प्रतिनिधित्वलाई विचार गर्दा पनि भौगोलिक विविधतालाई ध्यानमा राख्नुपर्छ किनकि दुर्गम, पहाड़ी र कम जनसंख्या भएका क्षेत्रहरूले अद्वितीय संरचनात्मक र जनसांख्यिकीय चुनौतीहरूको सामना गर्छन्।'

हिन्दुस्थान समाचार / बिशाल