सिडनी (अस्ट्रेलिया), 15 दिसम्बर (हि.स.)। अस्ट्रेलियाको सिडनीमा बन्डी बीचमा आइतवार यहूदी समुदायको हनुक्का उत्सव अवधि भएको आतङ्की हमलामा मर्नेहरूको संख्या बढ़ेर 16 पुगेको छ। हतियारधारी पिता र पुत्रको यस बर्बरताले सारा संसार स्तब्ध छ। यस हमलामा घाइते 40 जनाको अस्पतालमा उपचार चलिरहेको छ।

फक्स न्यूजको रिपोर्ट अनुसार, न्यू साउथ वेल्स पुलिस आयुक्त मेल लेन्योनले सोमवार संवाददाता सम्मेलनमा भने, आतङ्की हमला एक 50 वर्षीय व्यक्ति र उनका 24 वर्षीय छोराले गरेका थिए। आक्रमणकारी व्यक्तिको मृत्यु भइसकेको छ। मृतकका छोरा अस्पतालमा गम्भीर तर स्थिर स्थितिमा छन्।

पुलिस आयुक्तले भने, आरोपी पिताको नाममा छवटा हतियार कानूनी रूपमा रजिस्टर्ड थिए। सबै छवटा हतियार जफत गरिएका छन्। यस मध्ये केही घटनास्थलमा भेटिए। आक्रमणकारी पचास वर्षीय व्यक्ति शिकार खेल्न रूची राख्थे।

पुलिस अधिकारी लेन्योनले भने, पिता र पुत्र केंपसीमा बस्थे। पितासॅंग 10 सालदेखि गनको लाइसेन्स थियो। यो हमला यहूदी समुदायलाई निशाना बनाएर गरिएको थियो।

यस आतङ्की हमलापछि अस्ट्रेलियामा शोक र आक्रोशको माहोल छ। सरकारले पीड़ितका परिवारहरूप्रति समवेदना व्यक्त गरेको छ र दोषीहरू विरुद्ध कड़ा कारबाहीको आश्वासन दिएको छ। बन्डी बीच गोलीकाण्डलाई अस्ट्रेलियाको इतिहासमा सबैभन्दा भयावह आक्रमण मध्ये एक मानिएको छ।

हिन्दुस्थान समाचार / भवानी थामी