कोलकाता, 20 दिसम्बर (हि.स.)। भारतीय जनता पार्टी (भाजपा) का सह-पर्यवेक्षक र आईटी सेल प्रमुख अमित मालवीयले शनिवार सामाजिक सञ्जाल एक्समा एक पोस्टको माध्यमले बांग्लादेश र पश्चिम बंगालमा हिन्दूहरू विरुद्ध भएको कथित हिंसाप्रति चिन्ता व्यक्त गरेका छन्। उनले बांग्लादेशमा दलित हिन्दू दिपु चन्द्र दासको हत्याले अन्तरात्मलाई झकझकाएको बताए। मालवीय अनुसार, दिपु चन्द्र दासलाई चरमपन्थीहरूले हमला गरे औं पछि आगो लगाइदिए, जसले गर्दा उनको मृत्यु भयो।

अमित मालवीयले पश्चिम बंगालको मुर्शिदाबादमा भएको अर्को घटनाको पनि उल्लेख गरे। उनले लेखे, मानिसहरूले हरगोविन्द दास र उनका छोरा चन्दन दासको क्रूर हत्यालाई बिर्सन सक्दैनन्, जसलाई कथित रूपमा मुस्लिम कट्टरपन्थीहरूले आफ्नो घरबाट घिसारेर बाहिर निकालेर हत्या गरेका थिए। मालवीयले दाबी गरे कि यी घटनाहरूमा समानताहरू छन् र हिन्दूहरू विरुद्ध लक्षित हिंसाको खतरनाक ढाँचालाई औंल्याउँछन्।

आफ्नो पोस्टमा भाजपा आईटी सेल प्रमुखले भने, पश्चिम बंगालमा हिन्दूहरूको सुरक्षा र सम्मानलाई सर्वोच्च प्राथमिकता दिनुपर्छ। मुख्यमन्त्री ममता ब्यानर्जीमाथि अप्रत्यक्ष आक्रमण गर्दै भने, राजनीतिक गणनाले कहिल्यै पनि कानून व्यवस्था र मानव अधिकारलाई जित्नु हुँदैन। उनले आरोप लगाए कि मौनता वा अस्वीकारले हिंसालाई स्वीकार्य मान्ने तत्वहरूलाई प्रोत्साहन दिँदछ।

अमित मालवीयले यो पनि भने, बंगाली हिन्दूहरूले दुःख र पीड़ालाई बेवास्ता गरेकोमा ठूलो मूल्य चुकाउनु पर्छ। उनले जोड दिएर भने, जवाबदेही तय गिने समय आएको छ, पीड़ितहरूले न्याय पाओस् र हिन्दूहरूको सुरक्षा सुनिश्चित गरियोस्।

यद्यपि, खबर लेखिञ्जेलसम्म मालवीयको बयानमा तृणमूल कांग्रेसबाट कुनै प्रतिक्रिया आएको छैन।

हिन्दुस्थान समाचार / भवानी थामी