सिलगढ़ी, 24 दिसम्बर (हि.स.)। सिलगढ़ी महकुमाको फांसीदेवाको विधाननगर जाँच केन्द्रको पुलिसले डाक पार्सल कन्टेनरहरूमा पशु तस्करीको ठूलो षड़यन्त्रलाई विफल पारेको छ। पुलिसले बुधवार भोर बिहान गाईवस्तुले भरिएको ट्रक र दुईवटा डाक पार्सल कन्टेनर जफत गरेको छ। घटनापछि चालकहरू घटनास्थलबाट भागेका छन्।

प्राप्त जानकारी अनुसार, सर्दीको मौसममा फाँसीदेवाको विधाननगर मादाती टोल प्लाजा अगाड़ी पुलिसले जब जाँच शुरू गऱ्यो तब पुलिसलाई देख्नसाथ ट्रक र कन्टेनर चालकहरूले आफ्ना सवारी साधनहरू छोड़ेर भागे। जब ट्रक र डाक पार्सल कन्टेनरहरूको खानतलाशी लिइयो तब वाहनहरूभित्रबाट ठूलो संख्यामा गाईहरू भेटिए। पुलिसले तीन वटा सवारी साधनबाट 103 गाईहरू जफत गरी सुरक्षित आश्रय (गौशाला) मा पठाएको छ। ट्रक र दुवै कन्टेनरलाई थाना ल्याएर जफत गरिएको छ।

प्रारम्भिक अनुसन्धानबाट गाईहरू बिहारबाट असम हुँदै बांग्लादेश तस्करी गर्ने योजना रहेको पत्तो लागेको छ। यस तस्करीमा अरु को को संलग्न छन् भन्ने कुरा पत्तो लगाउन, फाँसीदेवाको विधाननगर जाँच केन्द्रको पुलिसले मुद्दाको अनुसन्धान शुरु गरेको छ।

हिन्दुस्थान समाचार / भवानी थामी