देहरादून, 28 दिसम्बर (हि.स.)। हालसम्म धामी सरकारले सरकारी जग्गामा बनेका जम्मा 571 वटा अवैध मजार हटाएको छ। हिजो अबेर राति उत्तराखण्डको राजधानी देहरादूनमा प्रशासनले अजबपुर कला क्षेत्रको शास्त्री नगरमा रहेको सड़क किनारको एक अवैध मजारलाई बुलडोजरले भत्कायो। सूचनाको बाबजुद कागजात नपाएपछि यो कारबाही गरिएको हो।

मुख्यमन्त्री पुष्कर सिंह धामीले सरकारी जग्गामा अतिक्रमण गरेर बनाइएका अवैध संरचनाहरू विरुद्ध कड़ा कारबाही भइरहेको बताएका छन्। मानिसहरूलाई आफै त्यस्ता संरचनाहरू हटाउने अपील गरिएको छ।

यो कारबाही हुनुभन्दा लगभग दुई हप्ताअघि प्रशासनले साइटमा सूचना टाँसेको थियो, जसमा संरचना निर्माणसँग सम्बन्धित वैध कागजातहरू पेश गर्न मानिसहरूलाई निर्देशन दिइएको थियो। तोकिएको समय अवधिभित्र कुनै प्रतिक्रिया नआएपछि यो कारबाही गरियो।

जिल्ला मजिस्ट्रेटको निर्देशमा नगर मजिस्ट्रेट प्रत्युष सिंह र एसडीएम हरि गिरीको नेतृत्वमा नगर निगमको टोलीले अवैध मजार हटायो। अपरेशनको क्रममा संरचनामुनि कुनै अवशेष भेटिएन। भत्काइएको भग्नावशेष घटनास्थलबाट हटाइयो।

एसएसपी अजय सिंहले सुरक्षा कारणले गर्दा उक्त क्षेत्रलाई सिल गरिएको बताए। लगभग एक घण्टासम्म चलेको अपरेशनको क्रममा कुनै विरोध वा अप्रिय घटना भएन। प्रशासनिक अधिकारीहरू अनुसार, राज्य सरकारले अहिलेसम्म सरकारी जग्गामा बनेका कूल 571 अवैध मजारहरू हटाएको छ।

हिन्दुस्थान समाचार / भवानी थामी