धर्मशाला, 29 दिसम्बर (हि.स.)। नुरपुर जिल्ला पुलिसद्वारा नशा विरूद्ध चलाइएको अभियान अन्तर्गत लागूऔषध माफिया विरुद्ध ठूलो कारबाही गर्दै चरसको ठूलो खेप जफत गरिएको छ। डमताल थाना क्षेत्राधिकार अन्तर्गत पर्ने तौकीमा गस्तीको क्रममा पुलिसले 1 किलो 852 ग्राम चरस जफत गरेको छ र तीन जना अभियुक्तलाई पक्राउ गरेको छ।

पक्रा परेका अभियुक्तहरूमा पञ्जाबको सैली गुलियान, तहसील र जिल्ला पठानकोटको रविदास मन्दिर पोस्ट अफिस नजिकै मोहल्ला सैली गुलियान निवासी बहादुर चन्दका छोरा सोनु उर्फ नीतु; पञ्जाबको मिसन रोड, तहसील र जिल्ला पठानकोट गाउँ लमीणी निवासी सतपालका छोरा मुकेश कुमार उर्फ रिंकु र कांगडा जिल्लाको छन्नी, तहसील इन्दोरा निवासी ज्ञान चन्दका छोरा बलविन्दर उर्फ बिल्ला सामेल छन्।

एसपी नुरपुर कुलभूषण वर्माले तीन जना अभियुक्तहरू विरुद्ध डमताल थानामा एनडीपीएस एक्ट अन्तर्गत मुद्दा दर्ता गरिएको बताए। अभियुक्तहरूलाई पक्राउ गरिएको छ र थप कारबाही भइरहेको छ।

हिन्दुस्थान समाचार / भवानी थामी