गान्तोक, 29 दिसम्बर (हि.स.)। भारत सरकारको सूचना तथा प्रसारण मन्त्रालय अन्तर्गत केन्द्रिय सञ्चार ब्यूरो (सीबीसी) र पत्र सूचना कार्यालय (पीआईबी) गान्तोकद्वारा भारत-तिब्बती सीमा पुलिस, गृह मन्त्रालय, सेक्टर मुख्यालय (एसएचक्यू), गान्तोकको समन्वयमा आयोजित दुई दिवसीय एकीकृत सञ्चार तथा आउटरिच कार्यक्रम (आईसीओपी) आज गान्तोकमा शुरु भयो।

आईसीओपी, जसको विषय “विकसित भारत @2047” छ र जसमा सरदार पटेल @150 र राष्ट्रिय एकता, वन्दे मातरम्को 150 वर्ष, मिशन लाइफ (पर्यावरणको लागि जीवन शैली) जस्ता विभिन्न महत्त्वपूर्ण विषयहरूलाई सामेल गरिएको छ, सरकार र नागरिकबीचको खाड़ललाई पुर्नका लागि राष्ट्रव्यापी जागरूकता अभियानको एक हिस्सा हो, ताकि “सबका साथ-सबका विकास, सबका विश्वास-सबका प्रयास” को सन्देशलाई साकार पार्न सकियोस्, जुन भारतलाई 2047 सम्ममा विकसित भारततर्फ डोर्याउने सकिनेछ। उक्त जानकारी आज पीआईबीले दिएको छ।

भारत-तिब्बती सीमा पुलिस (आईटीबीपी), सेक्टर मुख्यालय, गान्तोकका उप महानिरीक्षक (डीआईजी) सञ्जीव कुमार सिंहले कार्यक्रममा मुख्य अतिथिको रूपमा उपस्थित थिए, जसमा गान्तोकका एसएचएचक्यूका कमान्डेन्ट अनिल कुमार, भारत सरकारको युवा मामिला तथा खेलकुद मन्त्रालयका उप निर्देशक मङ्गल जाखड़ र आकाशवाणी, गान्तोककी सेवानिवृत्त वरिष्ठ समाचार वाचिका उषा शर्मा विशेष अतिथिको रूपमा उपस्थित थिए।

विशिष्ट व्यक्तिहरूबाट उद्घाटन समारोहमा दीप प्रज्वलन गरेपछि, डीआईजी सिंहले भेलालाई सम्बोधन गर्दै भारतमा आईटीबीपी बलको गठनको संक्षिप्त पृष्ठभूमि प्रस्तुत गरे तथा आईटीबीपीको भूमिकाको बारेमा व्याख्या गरे। उनले सिक्किममा तैनाथ आईटीबीपी बलहरू आईटीबीपीका लागि तैनाथ गरिएका उच्चतम उचाइका बलहरू मध्ये एक भएको उल्लेख गरे। उनले थप बताए अनुसार, उचाइ र जलवायुको कठोरताको बावजुद पनि आईटीबीपी बल दिनरात राष्ट्रको सिमानाको सुरक्षामा सतर्क रहन्छ।

उनले यी स्थानहरूमा काम गर्दाका आफ्ना विगतका अनुभवहरू पनि साझा गरे। उनले भने अनुसार त्यस्ता स्थानहरू यति टाडा छन् कि कोठाका छाना र भित्ताहरू उनीहरूको एक मात्र साथी जस्ता देखिन्छन्। उनले अझ उल्लेख गरे अनुसार सिक्किममा आईटीबीपीले नियमित रूपमा राष्ट्रिय महत्त्वका कार्यक्रमहरू भव्य रूपमा मनाउँछ र आयोजित गर्छ, तर कम प्रचारका कारण आम मानिसहरूलाई आईटीबीपीका यी गतिविधिहरूबारे थाहा छैन।

उनले यो पनि उल्लेख गरे कि आगामी दिनमा नागरिकहरूमा आईटीबीपीको बहुआयामिक भूमिकाको बारेमा जागरूकता ल्याउन यस्ता कार्यक्रमहरूको प्रचार अधिकतम गर्ने प्रयास गरिनेछ। आफ्नो सम्बोधनको अन्त्य गर्दै उनले गान्तोकको सेक्टर हेडक्वार्टर, आईटीबीपीको समन्वयमा यो आईसीओपी आयोजन र सञ्चालन गरेकोमा सीबीसी र पीआईबी, गान्तोकप्रति कृतज्ञता व्यक्त गरे।

विशिष्ट अतिथि उषा शर्माले आफ्नो सम्बोधनमा सरकारी योजना, नीति र संवैधानिक मूल्यहरूको बारेमा जागरूकता फैलाउन राज्यका विभिन्न स्थानमा नियमित रूपमा र विभिन्न सहभागीहरूबीच यस्ता आउटरिच कार्यक्रम आयोजना गर्ने सीबीसी र पीआईबी गान्तोकको प्रयासको प्रशंसा गरिन्।

मङ्गल जाखड़ले सरदार पटेल @150 र राष्ट्रिय एकता र वन्दे मातरमको 150 वर्ष सम्बन्धी एक सत्र सञ्चालन गरे। उनले स्वतन्त्रतापछि राष्ट्रिय एकतामा सरदार पटेलको भूमिका र महत्त्वमाथि प्रकाश पारे। मङ्गलले देशका युवाहरूले राष्ट्र निर्माणमा सरदार जीबाट सिक्नुपर्ने कुरा राखे। उनले वन्दे मातरम् गीतको ऐतिहासिक महत्त्वमाथि पनि प्रकाश पारे।

आईटीबीपीका डेपुटी कमान्डेन्ट आशिष त्रिवेदीले आफ्नो सम्बोधनमा आईटीबीपीका कर्मीहरूलाई समाज र समग्र देशको उन्नतिको लागि युवाहरूलाई प्रेरित गर्न आग्रह गरे। उनले सरदार जीको जीवन र इतिहास पनि वर्णन गरे।

यस अतिरिक्त, सहभागीहरूबीच एक अन्ताक्षरी प्रतियोगिता पनि आयोजना गरिएको थियो जसमा 6 उत्साही आईटीबीपी टोलीहरूले भाग लिएका थिए। दुई दिवसीय आईसीओपीको हिस्साको रूपमा पेन्टिङ, म्यूजिकल चेयर र प्राविधिक सत्र/चर्चा सहित विभिन्न कार्यक्रम आयोजना गरिने तालिका छ।

हिन्दुस्थान समाचार / बिशाल