गेजिङ, 27 मई (हि.स.)। गेजिङ जिल्लाका जिल्लापाल तेन्जिङ डी डेन्जोङ्पाको नेतृत्वमा गेजिङ जिल्लाको एनएच 510 अन्तर्गत विभिन्न स्थलहरूमा आज एक व्यापक संयुक्त निरीक्षण गरियो। उनको साथमा जिल्ला प्रशासनका अधिकारीहरू, विभिन्न विभागका अधिकारीहरू र एनएचआईडीसीएलका अधिकारीहरू सामेल थिए।

निरीक्षण मुख्यतया चलिरहेको सडक निर्माण परियोजनाहरू (एनएच 510) को प्रगति समीक्षा गर्ने र सडक विस्तार गतिविधिहरूको क्रममा पैह्रोबाट भएको जग्गा र आवासीय क्षतिको स्थलगत प्रमाणीकरण गर्ने कुरामा केन्द्रित थियो। स्थानीय बासिन्दाहरूसँगको अन्तरक्रियाको क्रममा धेरै प्रमुख चिन्ताहरू अगाडि राखेका थिए, जसमा जमिनको क्षतिपूर्ति वितरणमा ढिलाई, सडक निर्माण र शुरुमा सर्वेक्षण गरिएको योजनाहरूबीचको भिन्नता, सडक विस्तारका कारण पैह्रो जॉंदा घर र जग्गामा क्षति आदि सामेल थिए।

जिल्लापालले प्रभावित जग्गाधनीहरूलाई सरकारी मापदण्डहरूको कडाइका साथ पालना गर्दै क्षतिपूर्ति प्रदान गरिने आश्वासन दिए। उनले पारदर्शिता र निष्पक्षता सुनिश्चित गर्न उत्खनन गरिएका र प्रभावित जग्गाहरूको गहन मूल्याङ्कन गरिने कुरामा जोड दिए। उनले थप काम अगाडि बढाउनु अघि ठेकेदारहरूलाई सही जग्गा मापन गर्न पनि निर्देशन दिए।

हिन्दुस्थान समाचार / बिशाल