मुम्बई, 28 जून (हि.स.)। 'काँटा लगा गर्ल' को नामले परिचित अभिनेत्री शेफाली जरीवालाले अचानक यो संसारबाट बिदा लिएकी छिन्। उनको मृत्युको खबरले उनका प्रशंसकहरू र उद्योग स्तब्ध छन्। शेफाली केवल ४२ वर्षकी थिइन्। उनको निधनको पुष्टि विक्की लालवानीले आफ्नो सामाजिक सञ्जाल पोस्ट मार्फत गरेका छन्। रिपोर्टका अनुसार जब शेफालीलाई अस्पताल ल्याइयो, डाक्टरहरूले उनलाई मृत घोषित गरे। हाल उनको मृत्युको कारण खुल्न सकेको छैन र यस सम्बन्धमा अनुसन्धान भइरहेको छ।
अस्पतालका कर्मचारीका अनुसार, शेफाली जरीवालाको अस्पताल ल्याउँदासम्म मृत्यु भइसकेको थियो। उनको स्वास्थ्य अचानक बिग्रिएको बताइएको छ, त्यसपछि उनका पति पराग त्यागीले उनलाई तुरुन्तै अस्पताल लिएर आए। तर भाग्यले अर्कै कुरा लेखेको थियो। अब शेफाली हामी माझ रहिनन्। उनको असामयिक निधनले उद्योग र उनका प्रशंसकहरूलाई स्तब्ध बनाएको छ।
विक्की लालवानीले सामाजिक सञ्जाल पोस्टमा उनले अस्पतालका डा. सुशान्तसँग कुरा गरेको दाबी गरेका छन्।शेफाली जरीवालाको मृत्युको पुष्टि गर्दै डाक्टरले भने, हामी शवलाई पोस्टमार्टमको लागि कूपर अस्पताल पठाउँदैछौं। अब सबैको नजर पोस्टमार्टम रिपोर्टमा केन्द्रित छ, जसले उनको मृत्युको वास्तविक कारण स्पष्ट हुनेछ।
शेफाली जरीवालाले आफ्नो करियरको शुरुवात 'काँटा लगा' गीतबाट गरेकी थिइन्, जसले उनलाई रातारात स्टार बनायो। तर, यो गीत लामो समयसम्म विवादमा रह्यो। रोचक कुरा के छ भने उनको करियरको शुरुवाती चरणमा कसैले उनको मृत्युको बारेमा हल्ला फैलाएको थियो। धेरै वर्षसम्म उद्योगबाट टाडा रहेपछि, शेफालीले 'बिग बोस' मार्फत भव्य पुनरागमन गरिन् र आफ्नो नयाँ शैलीले सबैको मन जितिन्।
उनले अभिनेता पराग त्यागीसँग विवाह गरिन् र यो जोडीलाई धेरैले मन पराइएकाे थियाे। दुवैको तस्बिरहरू सामाजिक सञ्जालमा प्रायः भाइरल हुन्थे। शेफालीको अचानक निधनले उनका फ्यानहरू स्तब्ध छन् र उनको आत्माको शान्तिको लागि निरन्तर प्रार्थना गरिरहेका छन्।
---------------
हिन्दुस्थान समाचार / भवानी थामी
