जैसलमेर, 29 जून (हि.स.)। जिल्लाको भारत-पाकिस्तान सीमाबाट लगभग 10-12 किलोमिटर भित्र रहेको भारतीय सीमावर्ती क्षेत्र साधेवालामा एक युवक र एक नाबालिग बालिकाको कुहिएको शव फेला परेको छ। प्रारम्भिक अनुमान अनुसार, शवहरू लगभग सात दिन पुराना हुन्।

शव नजिकै एउटा पाकिस्तानी सिम कार्ड र एउटा परिचयपत्र फेला परेको थियो, जसले गर्दा ती दुई युवा र नाबालिग पाकिस्तानी हुन सक्ने शंका व्रूक्त गरिएको छ। एसपी सुधीर चौधरीले बरामद गरिएको परिचयपत्रमा युवकको नाम रवि कुमार (18 वर्ष) लेखिएको बताए।

सीमा क्षेत्रभित्र साधेवाला क्षेत्रमा शवहरू फेला परेका थिए। सीमा सुरक्षा बल (बीएसएफ) र स्थानीय पुलिस तत्काल घटनास्थलमा पुगेर जॉंच शुरु गरेका छन्। शवहरू रामगढ सीएचसीको शवगृहमा राखिएका छन्। पोस्टमार्टमपछि मृत्युको कारण स्पष्ट रूपमा थाहा हुनेछ। हाल, केटा र केटी भारतीय हुन् वा पाकिस्तानी भन्ने स्पष्ट छैन।

घटनाको गम्भीरतालाई ध्यानमा राख्दै बीएसएफ, पुलिस र खुफिया निकायहरूले यस विषयमा गहन जॉंच शुरु गरेका छन्। सीमावर्ती गाउँहरूमा सोधपुछ भइरहेको छ। उनीहरू दुवै जना भिसामा भारत आएका हुन सक्छन् वा काँडेतारको बार पार गरेर अवैध रूपमा भारतीय सीमामा प्रवेश गरेको हुन सक्ने अनुमान गरिएको छ। एजेन्सीहरूले यो मुद्दा जासुसी, घुसपैठ वा अन्तरराष्ट्रिय तस्करीसँग जोडिएको छ कि छैन भनेर पनि पत्ता लगाउने प्रयास गरिरहेका छन्।

हिन्दुस्थान समाचार / भवानी थामी