भुवनेश्वर, 29 जून (हि.स.)। पुरीको गुंडिचा मन्दिर छेउस्थित सरधाबली क्षेत्रमा आइतवार बिहान भारी भीडका कारण भगदड़ हुॅंदा तीन श्रद्धालुको मृत्यु भयो र 50 जनाभन्दा धेरै घाइते भए। यो घटना बिहान 4:20 बजी त्यस समय भयो जब 'पहुड़ा’ अनुष्ठानपछि धेरै संख्यामा श्रद्धालु भगवान जगन्नाथ, बलभद्र र देवी सुभद्राको दर्शनको निम्ति अघि आए।

प्रत्यक्षदर्शीहरू अनुसार, 'चारमाला' लिएर गइरहेको दुईवटा ट्रक भीडभित्र प्रवेश गर्दा भगदड़ मचियो। मानिसहरू आतिए र यता उता दौडिन थाले। यस दुर्भाग्यपूर्ण घटनामा तीन श्रद्धालुको मृत्यु भयो। उनीहरूको पहिचान प्रभाती दास, बसन्ती साहू र प्रेमकान्त मोहन्तीको रूपमा भएको छ।

स्थानीय मानिसहरू र प्रत्यक्षदर्शीहरूले सुरक्षा व्यवस्थामाथि गम्भीर प्रश्न उठाएका छन्। घटनाको समय पुलिसकर्मी अनुपस्थिति रहेको र भीडलाई नियन्त्रित गर्न नसकेको उनीहरूले आरोप लगाएका छन्। प्रशासनले घाइतेहरूलाई छेवैको अस्पतालमा भर्ती गराएको छ। अर्कोतिर, यस घटनालाई लिएर जॉंच शुरू गरिएको छ।

हिन्दुस्थान समाचार / भवानी थामी