सियोल, 04 जून (हि.स.)। दक्षिण कोरियाले पाँच वर्षको कार्यकालका लागि आफ्नो नयाँ राष्ट्रपति चयन गरेको छ। मतदाताहरूले ली जे-म्योङमाथि विश्वास व्यक्त गरेका छन्। गत वर्ष दिसम्बरमा विवादास्पद मार्शल ल घोषणालाई लिएर भएको विवादपछि भएको उपचुनाउमा ली जे-म्योङलाई निर्वाचित घोषित गरियो। उनी दक्षिण कोरियाको उदारवादी डेमोक्रेटिक पार्टी (डीपीके) का नेता हुन्।

नवनिर्वाचित राष्ट्रपति ली जे-म्योङले बुधवार बिहान 6:21 बजी औपचारिक कार्यकाल ग्रहण गरेको द कोरिया टाइम्स पत्रिकाले जनाएको छ। राष्ट्रिय निर्वाचन आयोगले उनको विजयको पुष्टि गर्ने बित्तिकै उनलाई राष्ट्रपतिको रूपमा सबै अधिकार र जिम्मेवारीहरू प्रदान गरियो। उनले देशको सशस्त्र सेनाको कमान्ड पनि सम्हाल्नेछन्।

मंगलवार दक्षिण कोरियाको उपनिर्वाचनमा लीले 49.42 प्रतिशत मत जितेका छन्। प्रमुख रूढ़िवादी पीपुल्स पावर पार्टीको किम मून-सूले 41.15 प्रतिशत मत प्राप्त गरे भने रिफर्म पार्टीका ली जुन-सोकले 8.34 प्रतिशत मत प्राप्त गरे। आफ्नो पहिलो भाषणमा ली जे-म्योङले अर्थतन्त्रलाई पुनर्जीवित गर्ने, लोकतन्त्रलाई स्थिर बनाउने र राष्ट्रिय एकतालाई प्रवर्द्धन गर्ने आफ्नो प्रतिबद्धता दोहोर्‍याए।

हिन्दुस्थान समाचार / भवानी थामी