नयाँ दिल्ली, 22 जुलाई (हि.स.)। उत्तर-पूर्वी जिल्लाको वेलकम थाना क्षेत्रमा सामान्य विवाद हुँदै नाबालिकहरूले चक्कु रोपी एक जना युवकको हत्या गरिदिए। मामिलाको सूचना पाएर घटनास्थलमा पुगेको पुलिसले शवलाई कब्जामा लिएर पोस्टमर्टम गर्नको लागि निकटवर्ती अस्पतालको शवगृहमा रखाएको छ। जाँचमा मृतकको पहिचान जनता मजदुर कलोनी निवासी मुस्तकिन (39)-को रूपमा भएको छ। वेलकम थानाको पुलिसले हत्याको मुद्दा दर्ता गरी तीन जना आरोपी नाबालिकहरूलाई पक्राउ गरेको छ। हाल पुलिसले सम्पूर्ण मामिलाको जाँच गरिरहेको छ।

पुलिस मुताविक बितेको 21 जुलाईको राति लगभग 11:21 बजी थाना वेलकमलाई चक्कुकाण्डको सूचना प्राप्त भयो। सूचना पाए लगत्तै पुलिसको टीम घटनास्थलमा पुग्यो। जाँचबुझमा स्थानीय मानिसहरूले बताए, घाइतेलाई पहिला नै अस्पताल लगिसकिएको छ। अस्पतालमा पुग्दा डाक्टरहरूले उसलाई मृत घोषित गरिदिए। पुलिसले मामिलालाई गम्भीर रूपमा लिँदै घटना घटेको केही घण्टाभित्रै तीन जना नाबालिकहरूलाई पक्राउ गऱ्यो। प्रारम्भिक जाँचमा थाहा लागेको छ, मृतक मुस्तकिन र यी नाबालिकहरूमाझ कुनै कुरालाई लिएर झगड़ा भएको थियो। झगड़ा हुँदै गर्दा आरोपीहरूले पीड़ितमाथि चक्कुले प्रहार गरे। हाल पुलिसले सम्पूर्ण मामिलाको अनुसन्धान गरिरहेको छ।

हिन्दुस्थान समाचार / उष्णता छेत्री शर्मा