पत्नीसित विवादपछि युवकले पियो सिन्दूर, स्थिति गम्भीर
मीरजापुर, 22 जुलाई (हि.स.)। राजगढ़ थाना क्षेत्रको बगाही गाउँमा पारिवारिक विवादको कारण एक युवकले सोमवार राति सिन्दूर पियो। स्थिति खराब हुँदा परिजनले उसलाई तुरन्तै सीएचसी राजगढ़मा भर्ती गराए, जहाँ प्राथमिक उपचारपछि उसलाई जिल्ला अस्पताल रेफर गरियो।
बगाही गाउँ निवासी हंसराज (30) को पत्नीसित कुनै कुरालाई लिएर विवाद भयो। विवादपछि रूष्ट हंसराजले घरमा राखेको सिन्दूर पानीमा मिलाएर पियो। केही बेरमा उसको स्थिति बिग्रन थाल्यो र मुखबाट फिँज निस्कन थाल्यो।
परिजनले तुरन्तै उसलाई सामुदायिक स्वास्थ्य केन्द्र पुऱ्याए। सीएचसीका डाक्टर महेन्द्र चौधरीले बताए, युवकले विषाक्त पदार्थको सेवन गरेको छ। उसको अवस्था गम्भीर बनेकोले उसलाई ट्रामा सेन्टर मीरजापुर रेफर गरिएको छ।
हिन्दुस्थान समाचार / भवानी थामी
सम्बन्धित समाचार
