जयपुर, 13 अगस्त (हि.स.)। राजस्थानको दौसा जिल्लामा बुधवार बिहानै लगभग 4 बजी भीषण सड़क दुर्घटनामा 11 श्रद्धालुको मृत्यु भयो। दौसा-मनोहरपुर रोडमा बापी नजिक एक कन्टेनर र यात्री पिकअपबीच जोड़दार भिड़न्तमा 10 जनाको घटनास्थलमै मृत्यु भयो। एक महिला श्रद्धालुले जयपुरको एसएमएस अस्पतालमा उपचार भइरहेको समय अन्तिम सास लिई। यी सबै उत्तर प्रदेशको कासगंज (एट) को निवासी हुन्। यिनीहरू खाटूश्यामको दर्शन गरी फर्किरहेका थिए।

दौसा जिल्ला कलेक्टर देवेन्द्र कुमारले भने, प्रारम्भिक रिपोर्ट अनुसार, बापी नजिक भएको एक दुर्घटनामा 11 जनाको मृत्यु भएको छ। नौ जनालाई उपचारको निम्ति रेफर गरिएको छ र तीन जनाको उपचार जिल्ला अस्पतालमा चलिरहेको छ। यो दुर्घटना एक यात्री पिकअप र कन्टेनरबीच भएको हो।

दौसा पुलिसले बतायो, सबै श्रद्धालु खाटूश्याम र सालासर दर्शनपछि उत्तर प्रदेश आफ्नो घर फर्किरहेका थिए। शुरूआती जाँचमा थाहा लागेको छ कि कन्टेनरले पिकअपलाई पछिबाट ठक्कर दियो। पिकअपमा 22 भन्दा धेरै श्रद्धालु थिए। यसमा 10 जनाको मृत्यु दौसामा भएको छ। एक गम्भीर घाइतेले जयपुरको एसएमएस अस्पतालमा अन्तिम सास लिइ। दुर्घटनामा सात नानी र चार महिलाको मृत्यु भएको छ।

पुलिस अनुसार, यिनीहरू असरौली (एटा) उत्तर प्रदेशको निवासी हुन्। मृतकहरूमा पूर्वी (3), प्रियंका (25), दक्ष (12), शीला (35), सीमा (25), अंशु (26) र सौरभ (35) छन्। चार मृतकको पहिचान हुन सकेको छैन। सीमा (23) पत्नी मनोज, मनोज (25) पुत्र लाखन, नैतिक (8) पुत्र सौरभ, प्रियंका पत्नी लाखन, रीता (26) पत्नी सौरभ, लक्ष्य (7) पुत्र सौरभ, नीरज (20) पत्नी जशवंत राजपूत, सौरभ (26) पुत्र खूबकरण राजपूत, सौरभ (32) पुत्र ज्ञान सिंह राजपूत गम्भीर रूपमा घाइते भएका छन्। यिनीहरूलाई प्राथमिक उपचारपछि जयपुर रेफर गरिएको छ। साथै चार मामूली रूपमा घाइतेहरूको दौसा जिल्ला अस्पतालमा उपचार चलिरहेको छ। प्रशासनले पीड़ित परिजनहरूसित सम्पर्क गरी उनीहरूलाई सहायता राशि र आवश्यक मद्दतको आश्वासन दिएको छ।

हिन्दुस्थान समाचार / भवानी थामी