नयाँ दिल्ली, 21 अगस्त (हि.स.)। केन्द्रिय उपभोक्ता संरक्षण प्राधिकरण (सीसीपीए) ले भ्रामक विज्ञानहरूका लागि अनलाइन कम्पनी रोपेन ट्रान्सपोर्टेशन सर्विसेज प्राइवेट लिमिटेड (रेपिडो) माथि 10 लाख रूपियाँको जरिमाना लगाएको छ। मन्त्रालय अनुसार, यस प्रकारको विज्ञापन प्रायः झूटो, भ्रामक र उपभोक्ताहरूप्रति अनुचित हुन्छ। नियामकले रेपिडोलाई तत्काल प्रभावदेखि भ्रामक विज्ञापन बन्द गर्ने निर्देश पनि दिएको छ।

उपभोक्ता कार्य, खाद्य एवं सार्वजनिक वितरण मन्त्रालय अनुसार, सीसीपीएले उपभोक्ता अधिकारहरूको संरक्षणको दिशामा अझ् एक कारबाही गर्दै रेपिडोलाई भ्रामक विज्ञापन प्रकाशित गरेको र अनुचित व्यापार व्यवहारको निम्ति 10 लाख रूपियाँको जरिमाना भर्ने आदेश दिएको छ। सीसीपीएले रेपिडोलाई ती ग्राहकहरूलाई बिना कुनै ढिलाईको पैसा फर्काउने निर्देश पनि दिएको छ, जसले कम्पनीको 'पाँच मिनटमा अटो या फेरि पाउनुहोस् 50 रूपियाँ' अफरको गरेको थियो तर उनीहरूले यो राशि पाएनन्।

राष्ट्रिय उपभोक्ता हेल्पलाइन (एनसीएच) को आंकड़ाहरू अनुसार, अप्रेल 2023 देखि मई 2024 बीच रेपिडो विरूद्ध 575 शिकायत र जून 2024 देखि जुलाई 2025 बीच 1,224 शिकायत प्राप्त भएको छ। गत दुई वर्षमा एनसीएचलाई प्राप्त रेपिडो विरूद्ध उपभोक्ताहरूको शिकायतहरूको संख्यामा वृद्धि भएको छ। सीसीपीएले उपभोक्ताहरूसित यस्ता विज्ञापनहरूप्रति सतर्क रहने आग्रह गर्दै भनेको छ, यदि भ्रामक विज्ञापनहरू वा अनुचित व्यापार प्रथाहरूसित सम्बन्धित समस्याहरूको सामना गर्नुपरे उनीहरूले निम्न कारबाही गर्नसक्छन्। राष्ट्रिय उपभोक्ता हेल्पलाइन (1915) मा कल गर्नुहोस् र शिकायत दर्ता गर्न एनसीएच ऐप वा वेबसाइटको उपयोग गर्नुहोस्।

हिन्दुस्थान समाचार / भवानी थामी