नयाँ दिल्ली, 21 अगस्त (हि.स.)। लोकसभाको कारबाही शुक्रवार अनिश्चितकालको निम्ति स्थगित गरियो। यस सत्रमा 14 विधेयक प्रस्तुत गरियो र 12 विधेयक पारित भयो। विपक्षको बिहारमा मतदाता सूची अपडेटको प्रक्रिया र अन्य मुद्दाहरूमाथि हंगामाको कारण कारबाही प्रभावित रह्यो।

लोकसभा अध्यक्ष ओम बिरलाले सत्रको समापनमा सदनमा भएका कार्यहरूको जानकारी दिए। उनले बताए, नियोजित व्यवधानहरूको कारण 120 घण्टाको तय चर्चामध्ये केवल 37 घण्टा नै चर्चा सम्भव हुनसक्यो। सत्र 21 जुलाईमा शुरू भएको थियो र आज यसको समाप्तिको घोषणा गरिँदैछ। यस अवधि प्रधानमन्त्री नरेन्द्र मोदी पनि सदनमा उपस्थित रहे। बिरलाले बताए, सदनमा 28-29 जुलाईमा ‘अपरेशन सिन्दूर’ माथि विशेष चर्चा भयो, जसको समापन प्रधानमन्त्रीको जवाफबाट भयो। यस बाहेक 18 अगस्तमा भारतको अन्तरिक्ष कार्यक्रममाथि विशेष चर्चा आयोजित गरियो। यस सत्रमा 419 तारांकित प्रश्न सोध्नका लागि सूचीबद्ध गरिएको थियो तर लगातार व्यवधानहरूको कारण केवल 55 प्रश्नकै मौखिक उत्तर दिन सकियो।

उनले खेद व्यक्त गर्दै भने, शुरूमा तय भएको 120 घण्टाको चर्चाको स्थानमा केवल 37 घण्टा नै कारबाही हुनसक्यो। उनले भने, संसदले जनताको अपेक्षाहरूको प्रतिनिधित्व गर्दछ। यसैले सदनमा मर्यादित भाषा र आचरण बनाएर राख्नु आवश्यक छ। नाराबाजी, प्लाकार्ड देखाउनु र नियोजित गतिरोध संसदीय परम्पराहरू र गरिमा अनुरूप छैन। असहमति लोकतन्त्रको हिस्सा हो तर त्यसलाई शालीनता र गरिमाको साथ व्यक्त गरिनुपर्छ। उनले राजनीतिक दलहरू र सबै सदस्यहरूसित आत्ममन्थन गर्ने र संसदलाई जनताको अपेक्षाहरू अनुरूप सार्थक चर्चाको मंच बनाउने आग्रह गरे।

हिन्दुस्थान समाचार / भवानी थामी