नयॉं दिल्ली, 21 अगस्त (हि.स.)। उपराष्ट्रपति पदको चुनाउमा इण्डी गठबन्धनका उम्मेदवार बी. सुदर्शन रेड्डीले बिहिवार मनोनयन पत्र दर्ता गरेका छन्। यस अवधि उनको साथमा कांग्रेस अध्यक्ष मल्लिकार्जुन खरगे, कांग्रेस संसदीय दलकी अध्यक्ष सोनिया गॉंधी र लोकसभामा विपक्षका नेता राहुल गॉंधी उपस्थित थिए। राष्ट्रिय जनतान्त्रिक गठबन्धन (राजग) का उम्मेदवार सीपी राधाकृष्णनले बुधवार मनोनयन दर्ता गरेका थिए।

उपराष्ट्रपतिको चुनाउ 9 सेप्टेम्बरमा हुनेछ। 21 अगस्त अर्थात आज मनोनयनको अन्तिम दिन हो। वर्तमानमा राजग संख्यात्मक रूपमा बलियो स्थितिमा छ। दुवै सदनको संयुक्त क्षमता 788 हो, जसमा एक लोकसभा र पॉंच राज्य राज्यसभाको सीट रिक्त छन्। यस कारण दुवै सदनको प्रभावी संख्या 782 हो। राजगको स्थिति अहिले राम्रो छ। वर्तमानमा लोकसभामा 542 सदस्य छन्, जसमा 293 राजगका छन्। राज्यसभाको प्रभावी संख्या 240 हो, जसमा 129 राजगका छन्।

हिन्दुस्थान समाचार / भवानी थामी