नयाँ दिल्ली, 21 अगस्त (हि.स.)। केन्द्र सरकारले दिल्लीकी मुख्यमन्त्री रेखा गुप्तामाथि हमलापछि उनको सुरक्षालाई अझ् कड़ा गर्दै केन्द्रिय रिजर्भ पुलिस बल (सीआरपीएफ) को जेड श्रेणीको सुरक्षा प्रदान गरेको छ। मुख्यमन्त्रीको सुरक्षामा अब दिल्ली पुलिसका साथै सीआरपीएफका जवान पनि तैनाथ रहनेछन्। यो जानकारी आधिकारिक सूत्रहरूले दिएको छ।

यहीबीच दिल्लीका सात भाजपा सांसदहरू- रामवीर सिंह बिधूड़ी, बांसुरी स्वराज, हर्ष मल्होत्रा, मनोज तिवारी, प्रवीण खण्डेलवाल, कमलजीत सहरावत र योगेन्द्र चन्देलियाले आज मुख्यमन्रीप् रेखाको आवासमा गएर उनको हालचाल सोधे। यो जानकारी सांसद रामवीर सिंह बिधूड़ीले एक पोस्टमा दिए। सांसदहरूले भने, गत छह महिनामा मुख्यमन्त्री रेखा गुप्ताद्वारा गरिरहेका ठूला-ठूला कार्यहरूले जनतामा विकासकी देवीको रूपमा उनले प्रतिष्ठा पाइरहेकी छन् भने केहीलाई जनताबीच गएर उनको समस्याहरू समाधान गर्ने अन्दाज मन परिरहेको छैन। सातैं सांसदहरूले रेखा गुप्ताको हौसला र विकासको बाटोमा हिड्ने अडिग उद्देश्यको प्रशंसा गरे।

सांसदहरूले मुख्यमन्त्री शीघ्र स्वस्थ भएर जनताबीच आउने कामना गरे। रेखा गुप्ताले पनि भनिन्, यस्तो हमलाले उनको दृढ़ विश्वास र दिल्लीको विकासको जुनूनलाई कम गर्नसक्दैन। मुख्यमन्त्रीमाथि हमलाको आरोपी राजेश भाई खिमजी भाई सकरियालाई तीस हजारी कोर्टले बुधवार राति पाँच दिनको पुलिस रिमान्डमा पठाएको छ।

हिन्दुस्थान समाचार / भवानी थामी