नयाँ दिल्ली, 22 अगस्त (हि.स.)। भारतीय मूलका दिग्गज ब्रिटिश उद्योगपति लर्ड स्वराज पल (94) को बिहिवार साझँ (स्थानीय समयानुसार) लन्दनको एक अस्पतालमा निधन भयो। हालमा उनलाई अस्पतालमा भर्ती गराइएको थियो, जहाँ पारिवारिक सदस्यहरूको उपस्थितिमा उनले अन्तिम सास लिए।

लर्ड स्वराज पलको निधनमा प्रधानमन्त्री नरेनद्र मोदीले गहिरो शोक समवेदना व्यक्त गर्दै एक्समा लेखेका छन्- श्री स्वराज पलको निधनले अत्यन्त दुःखी छु। ब्रिटेनमा उद्योग, परोपकार र जनसेवामा उनको योगदान र भारतको साथ घनिष्ठ सम्बन्धहरूका लागि उनको अटूट समर्थनलाई सदैव याद गरिनेछ। उनलाई भेटेका धेरै घटनाहरू याद आउँछ। उनको परिवार र प्रशंसकहरूप्रति समवेदना।

18 फरवरी 1931 मा पञ्जाबको जालन्धरमा जन्मेका लर्ड स्वराज पल ब्रिटेन स्थित कैपारो ग्रुप अफ इन्डस्ट्रीजका संस्थापक थिए। 60 को दशकमा उनी आफ्नो कान्छी छोरी अम्बिकाको केन्सरको उपचारको निम्ति ब्रिटेन गएका थिए तर 4 वर्षीय छोरीको मृत्युपछि उनले एक धर्मार्थ ट्रस्टको रूपमा अम्बिका पल फाउण्डेशनको स्थापना गरे। यस संस्थाले शिक्षा र स्वास्थ्यको क्षेत्रमा आफ्नो पहलको माध्यमले संसारभरिका नानीहरू र युवाहरूको कल्याणको निम्ति लाखौं डलर दान गऱ्यो।

लर्ड पल सन्डे टाइम्स रिच लिस्टमा नियमति रूपमा सामेल हुँदै आइरहेका छन्। यस साल उनको सम्पत्ति लगभग 2 बिलियन पाउन्ड (जीबीपी) मापियो र उनलाई 81औं स्थानमा राखियो।

हिन्दुस्थान समाचार / भवानी थामी