नागपुर, 22 अगस्त (हि.स.)। राष्ट्रिय स्वयंसेवक संघ (रा.स्व.संघ) को वार्षिक विजयादशमी उत्सवको लागि यस वर्ष पनि एक विशेष आमन्त्रित अतिथिको घोषणा गरिएको छ। महाराष्ट्रको नागपुरको रेशीमबाग मैदानमा आगामी 12 अक्टोबरमा आयोजित हुने संघको विजयादशमी उत्सवमा यसपाली पूर्व राष्ट्रपति रामनाथ कोविन्द मुख्य अतिथि हुनेछन्। उक्त जानकारी शुक्रवार संघको प्रचार विभागले दिएको हो।

संघको प्रचार विभागले बताए अनुसार, विजयादशमी (दशैं) को उत्सव रा. स्व. संघको लागि असत्यमाथि सत्यको विजय र शक्तिको उपसनाको प्रतीको रूपमा अत्यन्त महत्वपूर्ण मानिन्छ। यति मात्र होइन यस पावन अवसरमा वर्ष 1925 मा डा. केशव बलिराम हेडगेवारले नागपुरमा राष्ट्रिय स्वयंसेवक संघको स्थापना गरेका थिए। यस कारण यो दिन संघको लागि धार्मिक पर्व मात्र होइन, तर आफ्नो स्थापना दिवस पनि हो, जसलाई संघले उत्साहको साथमा मनाउॅंछ।

प्रचार विभागले भनेको छ, यस अवसरमा संघका सरसंघचालक मोहन भागवतले देश र समाजसॅंग सम्बन्धित समसामयिक मुद्दाहरूमाथि आफ्नो सम्बोधन राख्नेछन्। पूर्व राष्ट्रपति रामनाथ कोविन्दको संघको यस उत्सव कार्यक्रममा उपस्थितिलाई विशेष महत्व दिइएको छ, किनकि उनले देशको सर्वोच्च संवैधानिक पदमा कार्य गरिसकेका छन्। उनलाई संघको मञ्चमा मुख्य अतिथिको रूपमा आमन्त्रित गरिनु एक गौरवपूर्ण कुरा हो। यस कार्यक्रममा हजारौं स्वयंसेवकहरूले पारम्परिक गणवेशमा संघको शाखा पद्धतिको प्रदर्शन गर्नेछन्। साथै, संघका विचारहरूलाई दर्साउने सांस्कृतिक कार्यक्रम पनि प्रस्तुत गरिने छ।

यस सन्दर्भमा संघको प्रचार विभागले भनेको छ, 'देशका पूर्व राष्ट्रपति जस्तो गरिमायम व्यक्तित्व यस कार्यक्रममा सहभागी हुनु हाम्रो लागि गौरवको कुरा हो। हामीलाई विश्वास छ कि यो आयोजनले राष्ट्रिय चेतनालाई अझ धेरै बलियो बनाउने छ।' विगत केही वर्षहरूमा संघको मञ्चमा उपस्थित हुने रामनाथ कोविन्द दोस्रो पूर्व राष्ट्रपति हुनेछन्। यस अघि, 2018 मा पूर्व राष्ट्रपति प्रणव मुखर्जीले पनि संघको एक कार्यक्रममा भाग लिएका थिए।

हिन्दुस्थान समाचार / भवानी थामी