उत्तरकाशी, 22 अगस्त (हि.स.)। विश्व प्रसिद्ध धाम यमुनोत्रीको पड़ाउ स्यानाचट्टीमा यमुना नदीमा झील बनेपछि स्यानाचट्टी जलमग्न भएको छ। यदि झील अचानक फुट्यो भने निम्न क्षेत्रहरूमा भारी क्षति हुनसक्छ।

उत्तराखण्डाको उत्तरकाशी जिल्ला अन्तर्गत स्यानाचट्टीमा यमुना नदीमा झील बनेपछि तल्ला क्षेत्रहरूमा बाढ़ीको खतरा उत्पन्न भएको छ। खासगरी खरादी कस्बा र जल विद्युत परियोजनाहरूलाई झील अचानक फुटे भारी नोकसान हुने आशंका छ। यसबाट स्थानीय मानिसहरू निक्कै डराएका छन्।

बिहिवार दिउँसो कुपडा गदेरेमा भारी ढुंगा-माटो आउँदा स्यानाचट्टी कस्बामा यमुना नदीमा ठूलो अस्थाई झीलको निर्माण भएको छ। यसमा स्यानाचट्टी कस्बाको एउटा ठूलो भागमा बनेको घर, होटल, गढ़वाल मण्डल विकास निगम र बेसिक र माध्यमिक स्कूल डूबेका छन्।

पहाड़ी क्षेत्रहरूमा भारी वर्षाको कारण स्यानाचट्टी नजिक क्षेत्रमा ढुंगा-माटो जमा भएको छ। यसबाट यमुना नदीको प्रवाह बाधित भयो र पानी रोकिन्दा लगभग आधा किलोमीटर लामो र लगभग ढाईदेखि तीन सय मीटर चौड़ा झील बन्यो। यस झीलको बढ्दो जलस्तरमा यमुनोत्री हाईवेमा बनेको मोटर पुल र स्यानाचट्टी कस्बा जलमग्न भएको छ। कस्बामा लगभग 30 घर र होटल छन्। चारैतिर पानी-पानी भरेकोले स्थानीय मानिसहरू सामू ठूलो समस्या आइलागेको छ। क्षेत्रका गाउँहरू- कुपड़ा, कुनसाला, त्रिखली र ओजरीमा भयको माहोल छ। होटल-घर सबै झीलमा डूब्दा मानिसहरूलाई भारी नोकसानको चिन्ताले सताउन थालेको छ। साथै पुजार, कुथनोंर, उपली खरादी, निचली खरादी समेत तल्ला क्षेत्रहरूमा यमुना किनारमा बस्ने मानिसहरूमा भयको माहोल छ। प्रशासनले बड़कोटसम्म अलर्ट जारी गरेको छ। मानिसहरूलाई सतर्क र सावधान रहनु भनिएको छ।

उत्तरकाशीका जिल्लाधिकारी शान्त आर्यले बताए, सुरक्षाको दृष्टिले तमाम घर र होटललाई खाली गराइएको छ। साथै मानिसहरूको लागि क्षेत्रदेखि टाढ़ा रहने सुझाउ जारी गरिएको छ। एसडीआरएफ, पुलिस र जिल्ला प्रशासनका टीमहरू घटनास्थलमा रहेर स्थितिमाथि रातभरि नजर राखे। झीलबाट पानीको निकासीको निम्ति एनडीआरएफको टीमलाई पनि उपकरणहरूको साथ घटनास्थलमा पठाइएको छ।

हिन्दुस्थान समाचार / भवानी थामी