मुम्बई, 23 अगस्त (हि.स.)। निजी क्षेत्रको दूरसंचार कम्पनी रिलायन्स कम्युनिकेशन्स (आरकम) का प्रवर्तक निदेशक अनिल अम्बानीको समस्या बढ़्दै गइऱहेको छ। कथित ब्याङ्क धोकाधड़ीसित जोड़िएको मामिलामा केन्द्रिय अन्वेषण ब्यूरो (सीबीआई) ले शनिवार आरकम विरूद्ध मामिला दर्ता गर्दै मुम्बई स्थित उसका ठेगानाहरूमा छापा मारेको छ।

आधिकारिक सूत्रहरू अनुसार, सीबीआईको टीमले मुम्बईमा आरकम र उसका प्रवर्तक निदेशक अनिल अम्बानीसित सम्बन्धित परिसरहरूमा छापा मारेको छ। अनिल अम्बानीमाथि यस धोकाधड़ीले स्टेट ब्याङ्क अफ इण्डिया (एसबीआई) लाई 2000 करोड़ रूपियाँभन्दा अधिकको नोकसान भएको आरोप छ। यद्यपि, आरकमको तर्फबाट अहिले कुनै प्रतिक्रिया आएको छैन। यस मामिलामा अधिक जानकारीको प्रतिक्षा छ।

यस पूरा मामिलामा केन्द्रिय वित्त राज्य मन्त्री पंकज चौधरीले गत महिना लोकसभामा एक प्रश्नको लिखित जवाफमा जानकारी दिएका थिए। उनले भनेका थिए, 24 जून 2025 मा ब्याङ्कले आऱबीआईलाई धोकाधड़ीको सूचना दिएको थियो। सीबीआईमा शिकायत दर्ता गराउने प्रक्रिया शुरू गरिएको छ। आउने दिनमा यस मामिलामा थप खुलासा हुनसक्छ।

सीबीआई अगाड़ी प्रवर्तन निदेशालय (ईडी) ले अनिल अम्बानीलाई कथित 17,000 करोड़ रूपियाँको कथित ब्याङ्क लोन धोखाधड़ी केसको जाँचको क्रममा सोधपुछको निम्ति बोलएको थियो। ईडीले आरकमका प्रमोटर अनिल अम्बानीसित जोड़िएको व्यावसायिक संस्थाहरूमाथ, रिलायन्स समूहसित जोड़िएको 50 व्यावसायिक संस्थाहरू र 25 व्यक्तिको ठेगानामा छापा मारेको थियो।

हिन्दुस्थान समाचार / भवानी थामी