पटना, 23 अगस्त (हि.स.)। राजधानी पटनामा शनिवार बिहान शाहजहांपुर-दनियावां-हिलसा स्टेट हाईवे-4 मा सिगरियावा स्टेशन छेउ ट्रक र अटो ठोकिॅंदा अटोमा यात्रा गरिरहेका 8 जनाको मृत्यु भएको छ। पुलिस अनुसार, मृतक नालन्दा जिल्लाको हिलसाको मलावा गाउॅं निवासी थिए। मृतकहरूमा पॉंच महिला सामेल छन्।

घाइतेहरूको स्थिति गम्भीर बनेको छ र उनीहरूलाई पटना मेडिकल कलेज एण्ड हस्पिटलमा भर्ती गरिएको छ। ठक्करमा अटो रिक्शा पूर्णरूपमा क्षतिगस्त भएको छ।

पटना ग्रामीण एसपी विक्रम सिहागले सडक दुर्घटनामा आठ जनाको मृत्यु भएको पुष्टि गरेका छन्। पुलिस अनुसार, अटोमा यात्रा गर्ने सबै जना नालन्दा जिल्लाको हिलसा थाना क्षेत्रको मलावा गाउॅं निवासी थिए। उनीहरू पटना जिल्लाको फतुहा त्रिवेणी घाटमा गंगा स्नान गरेर फर्किरहेका थिए।

मृतकहरूमा संजू देवी (60), दीपिका पासवान (35), कुसुम देवी (48), चन्दन कुमार (30) चालक, कन्चन पांडेय (34) सामेल छन्। दुर्घटनामा बीरेन्द्र राउतकी पत्नी, शम्भू रामकी पत्नी र विकास रामकी पत्नीको पनि मृत्यु भएको छ। दुर्घटनामा आठैजनाको घटनास्थलमै मृत्यु भयो।

स्थानीय मानिसहरू अनुसार, ट्याङ्क लरी द्रुत गतिमा आइरहेको थियो र ड्राइभरले नियन्त्रण गुमाएपछि अटोसॅंग ठोकियो।

हिन्दुस्थान समाचार / भवानी थामी