नयाँ दिल्ली, 23 अगस्त (हि.स.)। प्रधानमन्त्री नरेन्द्र मोदीले धेरै नै कम समयमा भारतले अन्तरिक्ष क्षेत्रमा उल्लेखनीय प्रगित गरेको छ र अब नयाँ कीर्तिमान स्थापित गर्नु भारतीय वैज्ञानिकहरूको स्वभाव बनेको बताएका छन्। राष्ट्रिय अन्तरिक्ष दिवसमा एक भीडियो सन्देशमा उनले अन्तरिक्ष यात्रीहरूको पूल सहित अन्तरिक्ष कार्यक्रमसित जोड़िएका धेरै भविष्यका योजनाहरूको जानकारी दिए।

उनले भने, एक समय भविष्यको अन्तरिक्ष क्षेत्रलाई अनेकौं प्रतिबन्धहरूमा बाँधिदिएको थियो। हामीले यी साङ्गलोहरूलाई ऱोक्ने काम गरेका छौं। प्रधानमन्त्री मोदीले शनिवार राष्ट्रिय अन्तरिक्ष दिवसमा देशका युवा वैज्ञानिकहरू र अन्तरिक्ष क्षेत्रमा कार्यरत स्टार्टअपलाई बधाई दिए। उनले यस वर्षको अन्तरिक्ष दिवसको थीम आर्यभट्टदेखि गगनयानसम्म लाई आत्मविश्वास र भविष्यको संकल्पको प्रतीक बताए। उनले भने, यो दिवस अब युवाहरूमा उत्साह र आकर्षणको केन्द्र बनिसकेको छ र भारतको निम्ति गर्वको क्षण हो।

उनले उल्लेख गरे, दुई वर्ष अगाड़ी भारत चन्द्रमाको दक्षिण ध्रुवमा पुग्ने पहिलो देश बनेको थियो। साथै शुभांशु शुक्लाले अन्तरराष्ट्रिय अन्तरिक्ष स्टेशनमा तिरंगा फहराएर हरेक भारतीयलाई गर्वले भरिदिए। प्रधानमन्त्रीले यसलाई अविस्मरणीय क्षण बताए।

प्रधानमन्त्रीले भने, भारतले आज अन्तरिक्ष क्षेत्रमा परिवर्तन ल्याउने तकनीकहरूमाथि काम गरिरहेको छ। यसमा सेमी क्रायोजेनिक इन्जिन र इलेक्ट्रिक प्रोपल्शन जस्ता प्रगतिहरू सामेल छन्। उनले विश्वास व्यक्त गर्दै भने, निकट भविष्यमा भारतको गगनयान मिशनले उड़ान भर्नेछ र देशको आफ्नो अन्तरिक्ष स्टेशन पनि स्थापित हुनेछ।

आफ्नो सम्बोधनमा प्रधानमन्त्रीले अन्तरराष्ट्रिय ओलम्पियाड अन एस्ट्रोनमी एण्ड

एस्ट्रोफिजिक्सको पनि उल्लेख गरे, जसमा 60 भन्दा धेरै देशहरूका 300 युवाले भाग लिए। उनले भने, यो आयोजन अन्तरिक्ष क्षेत्रमा भारतको बढ्दो शक्तिको प्रतीक हो। उनले निजी क्षेत्रको भागीदारीको चर्चा गर्दै भने, छिट्टै नै पहिलो प्राइवेट संचार सेटेलाइट लाञ्च हुनेछ। साथै अर्थ अब्जर्वेशन सेटेलाइट कन्स्टेलेशनको तयारी पनि जारी छ।

हिन्दुस्थान समाचार / भवानी थामी