नयाँ दिल्ली, 23 अगस्त (हि.स.)। विदेश मन्त्री डा. एस जयशंकरले अमेरिकाको साथ भारतको व्यापार वार्ता अहिलेपनि जारी छ र हामीले आश हारेका छैनौं भनेका छन्। यद्यपि, केही सीमा रेखा छ, जसलाई नाघ्नु हुँदैन। भारतको आफ्नो राष्ट्रहित छ, जसको आधारमा हामीले निर्णय लिन्छौं। यस सन्दर्भमा उनले मोदी सरकारको स्पष्ट नीतिको उल्लेख गरे। उनले भने, किसानहरूको हित, रणनीतिक स्वायत्तता र पाकिस्तानको साथ सम्बन्धहरूलाई लिएर कुनैपनि मध्यस्थतालाई स्वीकार नगर्नु त्यो ‘रेड लाइन’ हो, जसलाई नाघ्नु हुँदैन।

विदेश मन्त्री डा. एस जयशंकरले शनिवार एक समाचार पत्रसित जोड़िएको कार्यक्रममा अमेरिकाको साथ सम्बन्धहरूलाई लिएर भारतको स्पष्ट पक्ष राखे। उनले भने, राष्ट्रपति डोनाल्ड ट्रम्पले अमेरिकाको परम्परागत नीतिहरूदेखि छुट्टै गैर-व्यापारिक मुद्दाहरूमा पनि व्यापारलाई बीचमा ल्याइऱहेका छन्। यो अपठ्यारो छ। सार्वजनिक रूपमा उनको तर्फबाट आइरहेको बयान वास्तविकतादेखि भिन्न छ। हामीले यो बुझ्नुपर्नेछ कि राष्ट्रपति ट्रम्पको संसारको साथ, यहाँसम्म कि आफ्नो देशको साथ पनि व्यवहार गर्ने तरीका पारम्परिक तरीकादेखि एकदमै भिन्न थियो। उदाहरणको निम्ति व्यापारको निम्ति पनि यस प्रकारको टेरिफ लगाउनु एक नयाँ अनुभव हो। गैर-व्यापारिक मुद्दाहरूमा टेरिफ लगाउनु अझ् पनि असामान्य हो। विदेश मन्त्रीले अमेरिकाको रूसको साथ तेल खरीदलाई लिएर भारतमाथि टेरिफ प्रतिबन्ध लगाइने विषयलाई केवल देखावटी बताए। उनले भने, रूसबाट सबैभन्दा धेरै तेल चीनले आयात गरिरहेको छ र ऊर्जा सबैभन्दा अधिक यूरोपले आयात गरिरहेको छ।

जयंशकरले भने, अमेरिकाको साथ भारतको व्यापार वार्ता अहिलेपनि जारी छ। दुवै पक्षमध्ये कसैले पनि व्यापार वार्ता समाप्त भएको भनेन। यद्यपि, हाम्रो केही रेड लाइन छ र यो हाम्रो राष्ट्रिय हितहरूसित जोड़िएको छ। भारतले आफ्ना किसानहरू र साना व्यापारीहरूको हितहरूसित समझौता गर्नसक्दैन। भारतले रणनीतिक स्वायत्तता राख्दछ र हामी आफ्नो निर्णय आफै लिन्छौं। अर्कोतिर, पाकिस्तानको विषयमा भारतमा एक राष्ट्रिय स्तरमा एकमत छ कि छिमेकीको साथ सम्बन्धहरूलाई लिएर हामी कसैको मध्यस्थता स्वीकार गर्नेछैनौं।

हिन्दुस्थान समाचार / भवानी थामी