जम्मू, 24 अगस्त (हि.स.)। किश्तवाड़ जिल्लाको चशोती गाउँमा 14 अगस्तमा बादल फाटेको घटनापछि स्थितिको समीक्षा गर्न रक्षा मन्त्री राजनाथ सिंह आइतवार जम्मू पुगे तर मौसम खराब भएको कारण उनले प्रवाभित स्थलको दौड़ाह गर्न सकेनन्। यस घटनामा 64 जनाको मृत्यु भएको थियो र 34 भन्दा धेरै अहिलेपनि बेपत्ता छन्।

रक्षा मन्त्रीले सरकारी मेडिकल कलेज (जीएमसी) जम्मूको दौड़ाह गरे, जहाँ बादल फाट्ने घटनामा बचेका मानिसहरूलाई भेटे। उनले घाइतेहरूको हालचाल सोधे। पछि पत्रकारहरूसित कुराकानी गर्दै उनले भने, म चशोती घटनाका घाइतेहरूलाई भेट्न आएको थिए। प्रधानमन्त्री मोदीले पनि स्थितिमाथि नजर राखिरहेका छन्। मौसम खराब भएको कारण म घटनास्थलमा पुग्न सकिन। अस्पतालमा सबै रोगीहरू खतरादेखि बाहिर छन् र उनीहरूको स्थितिम सुधार भइरहेको छ। म डाक्टरहरूको समर्पणको सराहना गर्दछु।

रक्षा मन्त्रीको साथ केन्द्रिय मन्त्री डा. जितेन्द्र सिंह र जम्मू-कश्मीरका उपराज्यपाल मनोज सिन्हा पनि उपस्थित थिए।

हिन्दुस्थान समाचार / भवानी थामी